E fundit!

13:51 Aktualitet

Protestuesit te selitë e partive/ Vrenozi: Veprim antishqiptar, PD dhe PS nuk u prekën as në '97

Demokrati i famshëm, Ilir Vrenozi ka bërë një reagim në li...

Carlo Bollino, gazetar i ndershëm/ Ja si reagojnë komentuesit

23 Shtator 2024, 12:28, Aktualitet CNA

Carlo Bollino

CNA ka publikuar dy ditë më parë një lajm, me një koment, pas një qëndrimi të bërë nga Carlo Bollino, i cili pretendonte se në më shumë se 40 vite gazetar ishte një gazetar i ndershëm.

Thënia e shekullit/ Carlo Bollino: Jam gazetar i ndershëm
21 Shtator, 18:38

Ne thamë se kështu pretendon Carlo Bollino. Më tej theksuam se ai ka përfituar koncesione siç janë “Bunk’Art”-et apo prona publike siç është godina ku ndodhet redaksia e “Report TV” dhe “Shqiptarja.com”.

Për këtë ka kallëzime në SPAK, megjithëse ai mendon se janë kallëzime politike, në fakt ato janë procedura ligjore. Te çështja e “Bunk’Art”-eve, ekspertët thonë se është investuar nga qeveria dhe më pas është marrë nga privati. Ky është një abuzim, një koncesion i padrejtë.

Nga ana tjetër në lidhje me privatizimin, pretendohet se ai është parapërgatitur për Carlo Bollino-n dhe i janë dhënë disa VKM që t’i shërbenin marrjes në përdorim nga ai dhe më pas privatizimin e plotë sepse mediat e tij ishin shërbëtoret e pushtetit, koncesioneve, mbrojtëse të inceneratorëve, Erion Veliajt, dosjes “5D” e kështu me radhë.

VKM-të e Qeverisë për Carlo Bollinon
8 Shkurt, 13:18

Në fakt, ne publikuam materialin dhe siç e shikoni janë me dhjetëra apo qindra komente për Carlo Bollino-n.

Ne e kemi thënë mendimin tonë se kush është ky individ. Më shumë sesa një gazetar i ndershëm dhe i pavarur është një mercenar dhe ushtar politik i PS-së dhe i Rilindjes.

Nën flamurin e armikut të Sali Berishës është pasuruar me socialistët në pushtet.Megjithëse pretendon se është i pavarur, është njeriu që na tha se inceneratorët ishin në punë dhe ishin të mirë gjatë komisionit hetimor.

Gjithashtu na tha se ishin disa ish-zyrtarë të hequr nga Bashkia e Tiranës ku plasi afera “5D”. Ndërkohë është përfitues parash nga afera e inceneratorëve, pronash publike, koncesionesh e të tjerë.

Ne këto kemi thënë. Çështjet janë në SPAK, po hetohen. Kallëzimet janë aty.

Por le të shohim cili është pretendimi i qytetarëve dhe cilat janë komentet e tyre në lidhje me Carlo Bollino-n.

Ne po nxjerrim disa pikante, po fshijmë komentet joetike pasi nuk duam të kemi të njëjtën fytyrë me Bollino-n dhe mercenarët e tij që i mbron dhe i shet sa herë ka nevojë, por thelbi është të kuptojmë si e lexojnë dhe perceptojnë lexuesit tanë Carlo Bollino-n.

Komentet për Carlo Bollino-n janë me qindra për çdo shkrim që ne kemi publikuar, por ne po sjellim vetëm disa.

Mjafton të ndiqni faqen tonë në "Facebook", atje ku ne hedhim shkrimet, dhe do të kuptoni cili është qëndrimi që kanë qytetarët dhe lexuesit për Carlo Bollino-n, të ndershmin gazetar./ CNA