web counter
LEXO PA REKLAMA!

SHKARKO APP

App Store
Google Play

Gazetari nxjerr detajin/ Si qeveria i shërbeu Carlo Bollinos gjatë pandemisë?

11 Janar 2024, 18:03, Aktualitet CNA

Gazetari nxjerr detajin/ Si qeveria i shërbeu Carlo Bollinos gjatë

Gazetari Elvi Fundo pas bërjes publike të kallëzimit ndaj botuesit Carlo Bollino dhe zyrtarëve të tjerë për të cilët rëndojnë dhjetëra akuza të rënda, ka evidentuar detajin kur kanë nisur procedurat dhe veprimet për shpërblimin e Carlo Bollinos me truallin ku tani ka ndërtuar televizionin.

Fundo tregon se procedurat dhe veprimet kanë nisur përpara dhe gjatë kohës të pandemisë.

Pra ndërkohë që njerëzve u ndalohej dhe u urdhërohej të qëndronin në shtëpi, qeveria, institucionet dhe strukturat e saj i shërbenin Bollinos.

Më tej gazetari theksoi se Bollino është përfitues dhe shfrytëzues i pronave dhe pasurive të tjera publike si Bunkart 1 dhe 2.

“Gjithëpushtetshmëria iu ka dhënë mundësinë dhe kanë bërë zullumet e inceneratorëve, ashtu është dhe rasti i Bollinos.

Mjafton të marrin telefonat dhe tabulatet do ta kuptojnë si administrata shtetërore është vënë në shërbim të Carlo Bollinos, siç iu vu dhe inceneratorëve.

Sipas të dhënave që unë kam, zoti Carlo Bollino përveç faktit të marrjes me shpejtësi të pronës, e cila pretendohet jo vetëm për falsifikim por kam dyshimet e mia që është e zgjedhur prej tij dhe Rilindja po i jepte një shpërblim Bollinos dhe unë u kam thënë fiksohuni pas datës të fillimit të procedurës dhe dokumenteve sepse ka një detaj janë para, gjatë dhe në kulmin e pandemisë veprimet.

Pra kur njerëzve iu nxirreshin tanket për të qënduar në shtëpi, qeveria shpërblente Bollinon. 

Fundi i shkurtit dhe fillimi i marsit 2020 janë kohët e pandemisë. Dokumentet i keni në mars e përtej një pjesë. Qeveria shqiptare, institucionet dhe strukturat e saj i shërbenin Carlo Bollinos. Sipas të dhënave që kam marrë më rezulton se Carlo Bollino  është përfitues dhe shfrytëzues i disa pronave dhe pasurive të tjera publike siç është Bunk art 1 dhe 2.

Shteti investon dhe administrohen nga Carlo Bollino”, tha Fundo./ CNA





Lajmet e fundit nga