web counter
LEXO PA REKLAMA!

SHKARKO APP

App Store
Google Play

E fundit!

x

Provimet e maturës/ Manastirliu: Do të shpërndajmë teste model që tani

11 Janar 2024, 10:45, Aktualitet CNA
Provimet e maturës/ Manastirliu: Do të shpërndajmë teste
Ministrja e Arsimit, Ogerta Manastirliu

Ministrja e Arsimit, Ogerta Manastirliu, mbajti këtë të enjte një konferencë për arsimin gjatë vitit 2023 dhe u ndal te provimet e maturës shtetërore.

Manastirliu tha se është ngritur Komiteti i Administrimit të provimeve të maturës, që drejtohet nga zëvendësministrja e Arsimit, Nina Guga.

Ajo deklaroi se janë përgatitur teste model për çdo lëndë dhe do të shpërndahen që në janar, në mënyrë që mësuesit dhe nxënësit të kenë më shumë kohë për përgatitjen e provimeve.

“Kemi të përgatitura testet model për çdo lëndë edhe këtë vit, ndryshe nga vitet e tjera, do të shpërndahen testet model që në këtë muaj, pra në janar për të bërë të mundur që të ketë edhe për mësuesit, por edhe për nxënësit më shumë kohë në dispozicion.

Ne duam që të kemi rezultate të larta, por dua që këto rezultate të jenë të lidhura edhe me përgatitjen në vazhdim sepse e dimë shumë mirë se viti i tretë i gjimnazit është një vit që konsolidon njohuritë, por nga ana tjetër thellon njohuritë në 3 lëndët me zgjedhje”, theksoi ministrja./ CNA





Lajmet e fundit nga