Skandali "McGonigal"/ Gaz Bardhi kopjon Elvi Fundon

10 Janar 2024, 22:44, Aktualitet CNA

Skandali "McGonigal"/ Gaz Bardhi kopjon Elvi Fundon

Gazment Bardhi

Kreu i Grupit Parlamentar të PD-së, Gazment Bardhi ka kopjuar gazetarin Elvi Fundo, teksa ka komentuar skandalin e McGonigal dhe skemën përmes së cilës prokurorët e SHBA-së tregonin si ish-zyrtari i lartë i FBI-së është përfshirë në aktivitet korrupsioni me qeverinë shqiptare dhe jo vetëm kaq.

Gjatë një interviste në media, Bardhi tha se SPAK nuk duhet të zvarrisë çështjen më tej pasi nuk ka nevojë të bëjë hetime të thelluara duke patur përballë dosjen e drejtësisë amerikane dhe provat nga Prokuroria e SHBA e cila e ka kopsitur çështjen e skandalit McGonigal.

“Prokuroria nuk ka nevojë të bëjë hetime të thelluara për këtë rast, mjafton të marrë dosjen e drejtësisë amerikane, ku ka edhe provat përkatëse, ku prokuroria e SHBA ka dalë në atë konkluzione dhe hetimi është i mbyllur.

Mjafton një letërporosi drejtuar SHBA për të tërhequr një kopje të dosjes dhe prokuroria provon fajësinë e kryeministrit Edi Rama, që ka korruptuar një zyrtar të huaj për të përfituar favore dhe më pas në këmbim të kësaj, i ka dhënë edhe vetë favore dhe kjo është e provuar për sa i takon tenderin që lidhet me vendburimet e naftës”, tha Bardhi ndër të tjera.

Por ky është një koment, një fakt që gazetari Elvi Fundo e ka deklaruar pak orë më parë përmes një shkrimi ku trajtonte pikërisht skandalin e McGonigal dhe atë që SPAK ka gati gjithçka, faktet, hetimet dhe mjafton të tërheqë dosjen dhe të thërrasë të gjithë përgjegjësit dhe bashkëpunëtorët e McGonigal.

Nga Elvi FUNDO/ McGonigal dhe SPAK-u
10 Janar, 17:10

Bardhi e kopjon gazetarin Elvi Fundo, i cili thotë se: “SPAK nuk ka nevojë të kërkojë të hetojë, gjithçka e ka gati. Ky është rasti që mund të tregojë se koha është aleati i saj më i mirë dhe për këtë e ka një provë në dorë. Prova është hetimi i dosjes “McGonigal” nga drejtësia në SHBA”.

“Tashmë SPAK dosjen e ka gati, mjafton të tërheqë dokumentet nga SHBA.Mjafton të zbardhë, të përkthejë, të noterizojë dokumentet e prokurorëve amerikanë dhe të thërrasë në akuzë të gjithë përgjegjësit që janë përballë shtetit shqiptar për korrupsionin, për thyerjen e sanksioneve dhe çdo individ i përfshirë që nga ish-këshilltarët e kryeministrit, që nga Dorian Duçkat e bashkëpunëtorët e tij, bashkëpunëtorët e McGonigal deri te ministra apo kryeministri.

Cilido person i përfshirë tashmë thjesht dhe vetëm SPAK-ut i duhet një vulë, një vulë apostile, mbi akuzat e ngritura nga prokurorët amerikanë, pasi ata kanë verifikuar dhe vërtetuar gjithçka. Dhe duhet shpejt përtej tallavasë mediatike dhe politike.

Përballë fakteve të Prokurorëve amerikanë dhe FBI-së s’ka më diskutime.
SPAK nuk ka nevojë të kërkojë të hetojë, gjithçka e ka gati. Ky është rasti që mund të tregojë se koha është aleati i saj më i mirë dhe për këtë e ka një provë në dorë. Prova është hetimi i dosjes

“McGonigal” nga drejtësia në SHBA”, ka theksuar gazetari Elvi Fundo përmes një shkrimi të tij të publikuar ditën e sotme në CNA.al

Kështu, Bardhi sot foli me fjalët e gazetarit Elvi Fundo për çështjen dhe aferën e Rama-McGonigal./ CNA