web counter
LEXO PA REKLAMA!

SHKARKO APP

App Store
Google Play

“Furtunë” ndryshimesh në qeveri/ Rama krijon një tjetër Ministri

11 Janar 2024, 16:35, Aktualitet CNA

“Furtunë” ndryshimesh në qeveri/ Rama krijon një

Kryeministri Edi Rama ka njoftuar ndryshimin e fundit në qeveri.

Sipas kryeministrit është e parë e nevojshme të krijohet një strukturë e re, ajo e Ministrisë së Shtetit për Administratën Publike dhe Antikorrupsionin.

Kështu këtë detyrë Rama ia ka dorëzuar Adea Pirdenit. 

"Në këtë fazë të re zhvillimi të vendit dhe në kushtet kur Shqipëria po punon për kapitujt e negociatave për anëtarësim me Bashkimin Europian, pasi sapo ka hedhur me sukses hapin e parë të tyre, kërkohet një qasje e re ndaj administratës publike, për të rritur krahas pagave konkuruese dhe cilësinë e burimeve tona njerëzore, duke adresuar të gjitha hallkat e procesit të funksionimit të saj, nga rekrutimi deri tek promovimi i nëpunësve; duke rishikuar me një sy më kërkues e me ekspertizë më të konsoliduar organizimin e institucioneve, strukturat e funksionet e tyre, proceset e punës e të ndërveprimit mes tyre; duke krijuar kushte më të mira e mekanizma të qëndrueshëm për motivimin e për trainimin e trupës sonë të Shërbimit Civil dhe me radhë…

Po ashtu është e udhës që politikat antikorrupsion të  qeverisë të harmonizohen më mirë mes institucioneve të ekzekutivit, me ekzigjencat e procesit sfidues të negociatave me BE për të gjitha institucionet e vendit, si edhe me vetë shoqërinë civile e sipërmarrjen.

Për ta nxitur këtë qasje të re dhe adresuar sfidat e mësipërme, do t’i dërgoj Presidentit të Republikës propozimin për miratimin e një tjetër anëtari të ri të kabinetit qeveritar, si Ministër i Shtetit për Administratën Publike dhe Antikorrupsionin. Këtë detyrë do ta kryejë zonja Adea Pirdeni, e cila ka kryer tre vjetët e fundit rolin e zv.ministres së drejtësisë dhe ka spikatur me lidershipin e me profesionalizmin e saj në rolin e zv.kryenegociatores me Bashkimin Europian, si edhe në mbulimin e kapitullit madhor të Gjyqësorit e të Drejtave Themelore", shkruan Rama në "X"

Ky është ndryshimi i dytë në kabinetin Rama në pak ditë. PRitet të ketë dhe lëvizje të tjera në nivelet e ndryshme të qeverisjes./ CNA

“Furtunë” ndryshimesh në qeveri/ Rama krijon një





Lajmet e fundit nga