web counter
LEXO PA REKLAMA!

SHKARKO APP

App Store
Google Play

Ish-Turizmi i kthyer në banjë publike/ Banorët e Pogradecit, për CNA TV: Po na rrezikon jetën

11 Janar 2024, 13:45, Aktualitet CNA
Ish-Turizmi i kthyer në banjë publike/ Banorët e Pogradecit,
Godina e ish-Turizmit

Ish-Turizmi i vjetër në Pogradec është kthyer në një “kancer” për qytetin e Pogradecit prej gati 30 vitesh. Banorët e qytetit për kamerën e CNA TV tregojnë se godina që dikur kishte lavdinë e saj, sot është kthyer në një objekt të shëmtuar që nuk ndihmon turizmin dhe për më tepër, sipas tyre, përdoret si një banjë publike, që rrezikon edhe shëndetit e qytetarëve, përveçse shëmton panoramën e qytetit juglindor.

"Këto janë shumë të shëmtuara, nuk i shërbejnë turizmit dhe njerëzit hyjnë aty, e përdorin si banjë", u shpreh një nga qytetarët. 

"Turizmi ka qenë shumë i mirë, italianë, gjermanë, vinin këtu atëherë. Mirëpo pronarët, të vjetrit, kanë vdekur, këta të rinjtë nuk çajnë kokën", tha një tjetër. 

"Në kohën e Enverit ky ishte turizmi më i mirë në Pogradec, por tani kam dëgjuar që e kanë dhjetë pronarë. Është mbuluar nga pisllëqet", tha një tjetër banor.

Qytetarët apelojnë që në atë zonë të bëhet një ndërtesë dinjitoze që t’i shërbejë qytetit dhe turizmit.

"Të bëhet ndërtesë turistike me kate, e përgatitur me liqenin. Madje e kanë konceptuar, e kanë filmuar në 'Facebook', me kate, shumë e bukur, shpresoj ta realizojnë", u shpreh një banor. 

Ish-Turizmi i vjetër është një pasuri, një pjesë e së cilës u është kthyer ish-pronarëve, një pjesë tjetër është përfituar nga privatizimet, një pasuri me sipërfaqe rreth 12 mijë metra katrorë dhe ka qenë në pronësi të Irfan Hysenbelliut, duke qenë se ky i fundit ka qenë klienti i Lulzim Bashës dhe oborrit opozitar.

Ashtu siç tregojnë edhe këto pamje, kjo zonë ka nevojë urgjente për zhvillim dhe duhet të zhduken menjëherë ngrehinat, ujërat e zeza, plehrat, pasi godina është kthyer në një zonë grumbullimi mbetjesh, të cilat po kontaminojnë edhe ujërat e liqenit./CNA 





Lajmet e fundit nga