web counter
LEXO PA REKLAMA!

SHKARKO APP

App Store
Google Play

Taksim për “Airbnb”?/ Mete tregon kush preket nga ndryshimet e ligjit për turizmin

11 Janar 2024, 12:54, Aktualitet CNA

Taksim për “Airbnb”?/ Mete tregon kush preket nga ndryshimet e

Prej disa javësh është raportuar për ndryshime në ligjin për turizmin dhe në taksimin e operatorëve turistikë.

Ministri i Financave, Ervin Mete, tregoi në një konferencë për shtyp se kush preket nga këto ndryshime.

Mete tha se taksimi nuk do të prekë qiradhënësit individualë që nxjerrin njoftime në platformat “Booking” dhe “Airbnb”. Ai deklaroi se ndryshimet përfshijnë operatorët turistikë.

“Nuk ka të bëjë me platformat 'Booking' dhe 'Airbnb'. Nuk ndryshon gjë për qiradhënësit individualë. Por ne do të japim një sqarim, në mënyrë që të jenë sa më të qartë për përgjegjësitë e tyre ligjore dhe të hyjnë në një qasje sa më bashkëpunuese edhe nga shërbimi i tatimpaguesit, në mënyrë që të ketë një taksim sa më të drejtë.

Ndërsa, ajo që ndryshon me ligjin e sotëm, është vendosja e një dispozite, sipas së cilës për operatorët turistikë do të përcaktohet metodologji për shfrytëzimin e kapaciteteve, sipas sektorëve, e cila pastaj do të jetë metodologji referuese edhe për taksimin e operatorëve, në mënyrë që të ketë një deklarim sa më të drejtë të shfrytëzimit të kapaciteteve të operatorëve turistikë”, theksoi ministri./ CNA





Lajmet e fundit nga