E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Carlo Bollino: Në inceneratorin e Elbasanit ka aferë

21 Mars 2024, 14:28, Aktualitet CNA

Carlo Bollino

Afera e inceneratorëve preku edhe mediat për propagandë dhe për të gënjyer shqiptarët.

Për të shtruar rrugën që të zhvateshin lehtësisht dhjetëra miliona euro nga taksat e shqiptarëve të varfër duhej patjetër edhe propaganda.

CNA ka publikuar dhjetëra fatura, gjithashtu edhe kontrata të shumë mediave, të cilat fillimisht mohuan pagesat e marra nga inceneratorët, nga kompanitë e tyre.

Konfirmohen mediat “mercenare” të inceneratorëve
25 Janar, 16:57
Inceneratori i Tiranës zhyt mediat në aferën korruptive
10 Dhjetor, 12:36

Mes tyre ishin edhe mediat e Carlo Bollino-s. "Report TV" dhe "Shqiptarja.com" kanë bërë herë pas here kronika dhe artikuj pro inceneratorëve, duke mashtruar në ditë të bardhë me diell.

Bollino nuk e ka pranuar asnjëherë se në inceneratorët e Elbasanit, Fierit dhe të Tiranës kemi aferë korruptive. Ndonëse SPAK-u ka dënuar ish-ministra, zyrtarë dhe kokat e aferës Klodian Zoto dhe Mirel Mërtiri, mediat e propagandës janë munduar t’u hedhin shqiptarëve hi syve.

Vajtimi i kukuvajkave të inceneratorëve
6 Tetor, 11:35
Dokumentet ekskluzive/ Kompanitë e inceneratorëve, qindra milionë lekë për Carlo Bollinon
10 Janar, 08:16

Por, sot mediat e Bollino-s kanë raportuar se në inceneratorin e Elbasanit ka aferë.

Teksa njoftonin për hetimet ndaj ish-zv.kryeministrit Arben Ahmetaj, "Report TV" dhe "Shqiptarja.com" theksonin se ka një aferë në rastin e Elbasanit.

Carlo Bollino: Në inceneratorin e Elbasanit ka aferë

Carlo Bollino po pranon korrupsionin me inceneratorët, që ka zhvatur miliona euro nga taksat e shqiptarëve të varfër.

Duhet theksuar se Carlo është paguar nga inceneratorët disa herë, duke marrë nga mijëra euro në miliona euro.

CNA ka publikuar një kontratë të Carlo Bollino-s me inceneratorin e Tiranës dhe faturat e parave të paguara nga njerëzit që drejtuan aferën për mediat e tij.

Kontrata dhe faktet/ Media e Carlo Bollino-s mori dhjetëra mijëra euro nga inceneratorët
27 Shtator, 15:05

Kontrata përkonte me zgjedhjet parlamentare të 2021-shit, kohë kur Bollino është paguar për një hapësirë publicitare për afro 12,720 euro.

Madje, në një email të publikuar më parë, Carlo Bollino kërkonte nga kompania e inceneratorit të Tiranës një shtesë buxheti me rast fushate, pagesë e cila konfirmohej nga Klodian Zoto.

Paratë e inceneratorëve, Carlo Bollino dhe Belind Këlliçi
17 Mars, 13:02
Një shpjegim i shkurtër me faturat e inceneratorit të Tiranës për Carlo Bollinon, konfirmuar nga Klodian Zoto
16 Mars, 20:05

Dhe për këto pagesa, jo vetëm në fushatë elektorale, por edhe në periudha të tjera, mediat e Carlo-s propagandonin inceneratorët.

Dhe ishin pikërisht këto media që sot pranojnë aferën, ato të cilat na thoshin se sa të bukur ishin inceneratorët, se si prodhohej energji në Elbasan.

Tashmë, Bollino me mediat e tij, pranojnë se kemi të bëjmë me një aferë, që po vijon të grabisë paratë e shqiptarëve./ CNA