web counter
LEXO PA REKLAMA!

SHKARKO APP

App Store
Google Play

E fundit!

x

Sondazhi: Më shumë se 60% e qytetarëve preferojnë punën hibride

21 Mars 2024, 08:12, Aktualitet CNA

Sondazhi: Më shumë se 60% e qytetarëve preferojnë punën

Një sondazh i zhvilluar nga “Monitor” në faqen e saj të internetit dhe rrjetet sociale tregon se për shumicën e pjesëmarrësve puna hibride është forma më e përshtatshme e të punuarit.

Pyetjes “Cila mendoni se është forma më e përshtatshme e të punuarit?” 61% e pjesëmarrësve në sondazh iu përgjigjën duke zgjedhur alternativën “hibride”. Alternativa e dytë më e votuar ishte puna nga zyra, me 26% të votave, ndërsa më pak e votuara puna nga shtëpia, me 13% të votave.

Pandemia e vitit 2020 solli për herë në mënyrë masive të punuarit nga shtëpia, si një zgjedhje të detyruar për shumë biznese. Me zbutjen e kufizimeve dhe përmirësimin e situatës, gradualisht një pjesë e mirë e bizneseve u zhvendosën drejt modelit hibrid, duke alternuar punën nga shtëpia me punën në zyrë në raporte të caktuara brenda javës ose muajit kalendarik.

Vitet pas pandemisë treguan se për shumë biznese modeli hibrid i të punuarit u shndërrua në një zgjidhje të përhershme. Përvoja tregoi se teknologjia e informacionit dhe komunikimit tashmë e ka bërë punën e pjesshme në distancë një zgjedhje plotësisht të mundshme dhe të preferuar për shumë profesione.

Sondazhi i "Monitor" tregon se pikërisht puna hibride duket një pikë e mirë takimi mes punëdhënësit dhe punëmarrësve. Sondazhi tregoi që vetëm një e katërta e votuesve shohin punën e përhershme në zyrë si formën më të përshtatshme të të punuarit, por një pjesë akoma e vogël mendon se është e përshtatshme të punohet gjithmonë nga shtëpia.

Sondazhi: Më shumë se 60% e qytetarëve preferojnë punën

Një prani e pjesshme në mjedisin e punës mund të jetë e rëndësishme për të ruajtur ndërveprimin direkt njerëzor, por edhe për të mos humbur perceptimin e ndarjes së kohës dhe hapësirës së punës nga ajo personale.

Rezultatet e sondazhit të "Monitor" në vija të përgjithshme përputhen me gjetjet e sondazheve të kryera në vitet e fundit në vende të tjera dhe në shkallë më të gjerë. Këto sondazhe kanë treguar se shumica e punonjësve në pozicione administrative besojnë se puna hibride.

Sipas një sondazhi të Gallup të vitit 2022, më shumë se gjysma e punonjësve në SHBA prisnin që të punonin në mënyrë të përhershme me një regjim hibrid në të ardhmen, ndërsa 25% e tyre parashikonin të punonin ekskluzivisht nga shtëpia ose në distancë. Studimet e mbështetura mbi këto sondazhe kanë në shumicën e rasteve kanë arritur në përfundimin se puna hibride do të jetë një realitet i përhershëm për shumicën e bizneseve.

Në periudhën pas pandemisë, ekonomia shqiptare po përballet me një mungesë të forcës së punës. Një nga mënyrat e reagimit të bizneseve ndaj kësaj situate ka qenë edhe një rritje e fleksibilitetit lidhur me praninë fizike të punonjësve, duke praktikuar punën e pjesshme në distancë, në ato raste kur kjo është e mundur./ Monitor.al





Lajmet e fundit nga