web counter
LEXO PA REKLAMA!

SHKARKO APP

App Store
Google Play

Vrasja e Gentian Bejtjas/ Balla "zgjohet" pas 5 ditësh

20 Mars 2024, 16:48, Aktualitet CNA
Vrasja e Gentian Bejtjas/ Balla "zgjohet" pas 5 ditësh
Taulant Balla

Ish-polici i burgjeve Gentian Bejtja u ekzekutua 5 ditë më parë në oborrin e banesës së tij në Larushk.

Pas 5 ditësh ministri i Brendshëm Taulant Balla është "zgjuar" për të folur për ngjarjen kriminale.

Balla ka përgëzuar policinë e Shtetit për punën e bërë deri më tani me hetimet për ngjarjen.

Ministri thotë se, autorët apo porositësit e ngjarjeve kriminale mund të fshihen për një kohë, brenda dhe jashtë vendit, por detyra e Policisë së Shtetit është t’i gjejë kudo që fshihen dhe t’i vendosë para drejtësisë.

“Detyra e Policisë së Shtetit është të parandalojë ose të zbardhë çdo ngjarje kriminale dhe të vendosë para drejtësisë fajtorët. Sapo kam përgëzuar drejtuesit e Drejtorisë Vendore të Policisë Tiranë për punën e deritanishme hetimore në drejtim të zbardhjes së ngjarjes kriminale disa ditë më parë në Fushë-Krujë.

Pres gjithashtu rezultate edhe në drejtim të identifikimit të autorëve të ngjarjeve në Vlorë, Lezhë dhe Shkodër. Autorët apo porositësit e ngjarjeve kriminale mund të fshihen për një kohë, brenda dhe jashtë vendit, mund të tentojnë t’i shmangen ekstradimeve, por detyra e Policisë së Shtetit është t’i gjejë kudo që fshihen dhe t’i vendosë para drejtësisë.

Për këtë qëllim duhet punë e pandërprerë hetimore dhe bashkëpunim me agjencitë partnere dhe me qytetarët, informacionet e të cilëve janë shumë të vlefshme. Dy persona të kërkuar nga drejtësia janë ndaluar/ekstraduar gjatë 24 orëve të fundit”, ka shkruar Balla në rrjetet sociale./ CNA





Lajmet e fundit nga