web counter
LEXO PA REKLAMA!

SHKARKO APP

App Store
Google Play

E fundit!

x

Akti Normativ/ Tabaku: Porti i Durrësit kushton 400 milionë euro nga taksat tuaja

19 Mars 2024, 16:10, Aktualitet CNA
Akti Normativ/ Tabaku: Porti i Durrësit kushton 400 milionë euro nga
Jorida Tabaku

Deputetja e PD-së, Jorida Tabaku, ka reaguar pasi është miratuar Akti Normativ për Buxhetin.

Tabaku shprehet se Akti lidhet me një projekt që një vit e katër muaj më parë qeveria e mohoi për 14 orë rresht që do ndërtohet me taksat e shqiptarëve, duke iu referuar Portit të Durrësit.

Sipas deputetes do të paguhen 400 milionë euro nga taksat e shqiptarëve për Portin e Durrësit.

“Ditën e sotme, shpejt e shpejt, u miratua Akti Normativ për Buxhetin që ka ardhur as dy muaj pas fillimit të vitit.

Nxitimi i qeverisë për këtë Akt lidhet me një projekt që një vit e katër muaj më parë qeveria e mohoi për 14 orë rresht që do ndërtohet me taksat e shqiptarëve.

Porti i Durrësit që u shkatërrua për t’i dhënë jetë një projekti me shumë pikëpyetje dhe që ndoqi një rrugë ligjore me shumë pikëpyetje, shkatërroi Portin e Durrësit.

Janë 400 mln euro që do të paguhen nga taksat e shqiptarëve për një Port që ekzistonte por që qeveria vendosi ta shkatërrojë për ta ndërtuar diku gjetkë. Në fillim premtoi se do e ndërtonte me PPP nga një garë ndërkombëtare ku ishin thërritur kompanitë më prestigjoze të huaja. Por, as dy vjet pas këtij premtimi dhe nga xhepat e shqiptarëve merren 90 mln euro, nga taksat e rritura, për të ndërtuar një port që ekzistonte dhe që fitonte edhe fonde nga BE.

Kësaj shume, një kontabilist i zoti që i mungon sot qeverisë, do t’i shtonte edhe koston e një gjyqi në Arbitrazh që na rrezikon disa miliona të tjerë për një kontratë që kjo mazhorancë e miratoi me votat e saj në mandatin e saj të dytë.

Kjo është e gjithë arsyeja e rishikimit të buxhetit, që në dhjetor ishte buxheti më i madh në vend dhe i shqiptarëve, ndërsa sot na rezulton si përherë buxheti i një pakice që fiton nga taksat e shumicës!”, shkruan Tabaku./ CNA

 





Lajmet e fundit nga