web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet takimi mes Ndihmëssekretarit amerikan dhe Dumanit

19 Mars 2024, 12:17, Aktualitet CNA
Zbardhet takimi mes Ndihmëssekretarit amerikan dhe Dumanit
Todd D. Robinson

Ambasada amerikane, me anë të një postimi në rrjetet sociale, ka zbardhur takimin e sotëm mes Ndihmëssekretarit amerikan për Byronë Ndërkombëtare të Narkotikëve dhe Çështjeve të Zbatimit të Ligjit, Todd D. Robinson me kreun e SPAK-ut, Altin Dumani. 

Ambasada amerikane sqaron se në pritjen me gjyqtarë, prokurorë, hetues shqiptarë dhe drejtues të agjencive ligjzbatuese në Shqipëri, Ndihmëssekretari Todd Robinson falënderoi partnerët shqiptarë për guximin dhe përkushtimin e tyre për zbatimin e ligjit, transparencën, si dhe dhënien fund pandëshkueshmërisë.

Ai nënvizoi rëndësinë e një drejtësie të pavarur për Shqipërinë teksa ajo lufton krimin dhe korrupsionin.

“Sot shqiptarët po bëjnë hapa të guximshëm për të nisur reforma të vështira. Dhe unë dua që të gjithë ju ta dini se unë dhe kolegët e mi në Washington e njohim punën tuaj të palodhur. Por si çdo punë tjetër e vështirë për forcimin e demokracisë dhe rritjen e llogaridhënies, është një rrugë e gjatë dhe e vështirë. Dhe unë do t’ju nxisja, e para, të dini se po sillni ndryshim dhe, e dyta, të mos dorëzoheni, të vazhdoni…Ne do mbështetemi te ju si partnerë në luftën kundër krimit ndërkombëtar dhe korrupsionit në Ballkanin Perëndimor… por më e rëndësishmja, qytetarët e zakonshëm shqiptarë besojnë te ju… dhe unë mund t’jua premtoj se teksa ju vazhdoni punën tuaj, qeveria e Shteteve të Bashkuara do jetë partneri juaj në këtë dhe do ecë krah jush në mbështetjen tuaj dhe të Shqipërisë", mësohet të ketë thënë në takim Robinson. 

Robinson ndodhet në Tiranë që prej datës 18 mars dhe do të jetë në Shqipëri deri më 20 mars.

Në agjendën e tij përfshihet një takim me kryeministrin Edi Rama dhe përfaqësues të organeve kundër trafikut të drogës dhe të drejtësisë./CNA 





Lajmet e fundit nga