web counter
LEXO PA REKLAMA!

SHKARKO APP

App Store
Google Play

E fundit!

x

Kërkesa për të shkuar në Kuvend/ Shtyhet seanca për Berishën

19 Mars 2024, 10:28, Aktualitet CNA
Kërkesa për të shkuar në Kuvend/ Shtyhet seanca për
Ish-kryeministri Sali Berisha

GJKKO ka shtyrë seancën për ish-kryeministrin Sali Berisha. Shkak i shtyrjes ka qenë mungesa e pjesëmarrjes së prokurorëve.

Sot ishte parashikuar të shqyrtohej kërkesa për pjesëmarrje në seancat plenare.

Seanca e radhës do të mbahet në datën 25 mars.

Avokati i Berishës, Genc Gjokutaj, ngriti akuza ndaj prokurorëve, teksa tha se munguan për arsye profesionale, pasi nuk kishin marrë objektiva nga kryeministri Edi Rama.

"Për arsye profesionale nuk mund të ishin prezentë. Është një sebep, janë dy prokurorë, të paktën njëri duhej të ishte prezent. Profesioni i prokurorit është në hetim dhe gjykim. Sigurisht që me angazhimin  e zotit Rama me punë të tjera duket kontakti i shkëputur. U caktua një datë tjetër, 25 mars në orën 09:00 do të mbahet seanca e radhës", theksoi Gjokutaj.

Kujtojmë se që prej 30 dhjetorit, kryetari i PD-së ndodhet në arrest shtëpie.

Prokuroria e Posaçme e akuzon ish-kryeministrin për “Korrupsion pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezin.

SPAK-u pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit “Partizani” dhe përfitues i drejtpërdrejtë ka qenë Malltezi.

Malltezi akuzohet për "Korrupsion pasiv të funksionarëve të lartë shtetërorë ose të zgjedhurve vendorë”, kryer në bashkëpunim me Berishën./ CNA





Lajmet e fundit nga