web counter
LEXO PA REKLAMA!

SHKARKO APP

Propozohet rritja e çmimit të energjisë elektrike

18 Mars 2024, 15:09, Aktualitet CNA

Propozohet rritja e çmimit të energjisë elektrike

Kreu i OSHEE-së, Enea Karakaçi, ka propozuar rritje të çmimit të energjisë elektrike për furrat e bukës.

12 lekë kilovati për furrat e bukës që kanë pastiçeri dhe bar kafe.

9.5 lekë kilovati për furrat e bukës që janë edhe pastiçeri, si dhe 7.6 lekë kilovati për furrat që prodhojnë vetëm bukë.

“Ne kemi pasur një diskutim shumë të gjatë me Ministrinë e Infrastrukturës dhe Energjisë, me përfaqësues aty dhe kemi bërë një lloj tipologjie që besoj dhe me Shoqatën e furrave të bukës kemi gjetur dakordësinë.

Sot ne vijmë me një propozim që ka 3 çmime. Ka një çmim që është 7.6 lekë për kilovat/orë që është vetëm për ato subjekte që kanë vetëm furrë buke, asgjë tjetër.

Kemi një çmim 9.5 lekë që është për ato ambiente që kanë furra buke, por që kanë dhe aktivitete pak më të integruara siç mund të jetë shitja e pastiçerisë apo dhe e produkteve të tjera të brumrave.

Dhe kemi një çmim tjetër që është 12 lekë që është për ato ambiente që janë më të zgjeruara që kanë të përfshirë bar dhe kafe" u shpreh drejtori i OSHEE-së, Enea Karakaçi./ CNA  

 





Lajmet e fundit nga