web counter
LEXO PA REKLAMA!

SHKARKO APP

App Store
Google Play

E fundit!

x

Çmimet e reja për furrat e bukës/ Balluku: Konsumojnë 66 milionë kilovatorë në vit, po kujdesemi për 2 palët

18 Mars 2024, 17:43, Aktualitet CNA

Çmimet e reja për furrat e bukës/ Balluku: Konsumojnë 66

Ministrja e Infrastrukturës dhe Energjetikës, Belinda Balluku ka folur për çmimet e reja të energjisë të propozuara për furrat e bukës.

Balluku gjatë fjalës së saj ka bërë me dije se furrat e bukës konsumojnë rreth 66 milionë kilovatorë në vit dhe kjo përkthehet në një shifër rreth 500 milionë lekë për kompaninë.

Ministrja shtoi se, po shihet me kujdes procesi për të dyja palët.

“Furrat e bukës konsumojnë rreth 66 milionë kilovatorë në vit. Është një nga konsumatorët më të rëndësishëm që ne kemi të lidhur në sistemin tonë dhe nga ana tjetër ka qenë gjithmonë një debat i hapur, pa një zgjidhje permanente që sigurisht do të akomodonte edhe nevojën e shoqatës tuaj, por nga ana tjetër nuk do të dëmtohej edhe OSHEE-ja.

Ju e dini shumë mirë luftën e madhe që kemi bërë për të shëndoshur këtë sistem qoftë nga ana teknike, Operatorin e Shpërndarjes, qoftë nga ana e një shëndoshjeje financiare e cila ka të bëjë edhe me faturimin edhe me mbledhjen e të ardhurave.

Ndaj i gjithë procesi është bërë duke treguar kujdes për të dy palët, edhe për furrat e bukës dhe biznesin, por edhe për OSHEE-në sepse siç ju thashë 66 milionë kilovatorë në vit janë një shifër e rëndësishme e përkthyer në 500 milionë lekë për kompaninë”, u shpreh Balluku./ CNA





Lajmet e fundit nga