web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet projektligji për Policinë/ Drejtori i Përgjithshëm do të zgjidhet me konkurrim

19 Mars 2024, 13:15, Aktualitet CNA
Zbardhet projektligji për Policinë/ Drejtori i Përgjithshëm
Policia e Shtetit

Është zbardhur drafti për projektligjin mbi Policinë e Shtetit, i cili është hartuar nga nga Drejtoria e Përgjithshme e Policisë së Shtetit dhe Ministria e Brendshme.

Risi në projektligj është që kreu i Policisë së Shtetit do ketë mandat 5-vjeçar dhe do të zgjidhet me konkurs. Drejtorët e drejtorive vendore, të cilët do të kenë mandat 3-vjeçar dhe të drejtë rikandidimi për një mandat të dytë. 

Ndërkohë emërimet e drejtuesve të departamenteve do të realizohen me urdhër të Drejtuesit të Policisë së Shtetit.

Gjithashtu propozohet që gradat Inspektor, Inspektor i Parë dhe i Dytë do të bashkohen në një gradë të vetme, të emërtuar Inspektor. Ndërsa nga grada Nënkomisar deri te grada Drejtues i Parë, duhet të kenë përkatësisht nga 4 vite eksperiencë.

Mes të tjerash projektligji synon përmbushjen e rekomandimeve kryesore të organizmave të BE-së dhe atyre ndërkombëtare, si dhe të vendeve partnere për krijimin e kapaciteteve apo strukturave të munguara në Policinë e Shtetit.

Projektligji: 

Përzgjedhja e Drejtorit të Përgjithshëm të Policisë së Shtetit kryhet nëpërmjet një procedure transparente konkurrimi të kandidatëve që plotësojnë kriteret ligjore dhe shprehin interes për këtë pozicion. Ministri ngre një Komision "Ad Hoc", i cili, pas procesit të vlerësimit të tyre, i propozon kandidaturat për Drejtor të Përgjithshëm të Policisë së Shtetit.

Ministri i propozon Këshillit të Ministrave kandidaturën për Drejtor të Përgjithshëm të Policisë së Shtetit. Përbërja dhe rregullat e funksionimit të Komisionit "Ad Hoc" përcaktohen në Rregulloren e Policisë së Shtetit”, lexohet në draft-ligj.

Drejtori i Përgjithshëm i Policisë së Shtetit qëndron në detyrë për një periudhë prej 5 vitesh, me të drejtë rikonkurrimi edhe për një mandat të dytë. E njëjta procedurë ndiqet edhe për Zëvendësdrejtorin e Përgjithshëm të Policisë së Shtetit.

Emërimi, lirimi dhe shkarkimi i Zëvendësdrejtorit të Përgjithshëm të Policisë së Shtetit bëhet me urdhër të ministrit, me propozim të Drejtorit të Përgjithshëm të Policisë së Shtetit.

Ministri ngre një Komision "Ad Hoc", i cili shqyrton kandidaturat e propozuara për Zëvendësdrejtor të Përgjithshëm të Policisë së Shtetit. Përbërja dhe rregullat e funksionimit të Komisionit "Ad Hoc" përcaktohen në Rregulloren e Policisë së Shtetit./CNA 

 





Lajmet e fundit nga