web counter
LEXO PA REKLAMA!

SHKARKO APP

App Store
Google Play

Denoncimi/ Rama po “kërcënon” administratën: Ose anëtarësohuni në PS, ose largohuni  

20 Mars 2024, 18:43, Aktualitet CNA

Denoncimi/ Rama po “kërcënon” administratën: Ose

Nënkryetari i PD-së, Gazment Bardhi ka denoncuar se qeveria Rama po ushtron presion dhe terror ndaj administratës publike për tu anëtarësuar në Partinë Socialiste.

Bardhi deklaron se banda shtetërore me në krye Ramën presionin administratën ose të anëtarësohen në PS ose të lagrohen dhe të japin dorëheqjen.

Kreu i grupit të PD-së, Bardhi ka deklaruar se, këta njerëz që i shërbejnë shtetit shqiptar nuk mund të kërcënohen me bukën e gojës nga asnjë parti.

“E dini çfarë po ndodh? Del dhe krenohet për anëtarësimet e reja në Partinë Socialiste, po shkoni pak dhe pyesni çfarë terrori po ndodh në administratën publike. Çdo punonjës i administratës publike i shërbimit civil, që ka punuar me Partinë Demokratike, me Partinë Socialiste, kurrë nuk janë kërcënuar me bukën e gojës për t’u anëtarësuar në një parti politike.

Sot që flasim janë nën terrorin e bandës shtetërore me në krye Edi Ramën, ose të anëtarësohen në Partinë Socialiste ose të japin dorëheqjen për t’u larguar nga shërbimi civil ose administratën publike. A mund të jetë ky një vend kandidat për në Bashkimin Europian?

A është ky një vend anëtar i NATO-s që kërcënon punonjës 30-vjeçar të administratës dhe shërbimit civil që nëse nuk anëtarësoheni në një parti politike do të largohen nga puna? Këta njerëz që i shërbejnë shtetit shqiptar, që kanë punuar me çdo qeveri dhe do të punojnë me çdo qeveri sa kohë janë profesionistë në administratë nuk mund të kërcënohen me bukën e gojës nga asnjë parti. Kjo po ndodh sot”, u shpreh Bardhi./ CNA





Lajmet e fundit nga