web counter
LEXO PA REKLAMA!

SHKARKO APP

App Store
Google Play

E fundit!

x

Mbillen 40 mijë fidanë në Voskopojë/ Rehabilitohet zona e dëmtuar nga zjarret

21 Mars 2024, 09:15, Aktualitet CNA

Mbillen 40 mijë fidanë në Voskopojë/ Rehabilitohet zona e

Në ditën Ndërkombëtare të Pyjeve, Ministrja e Turizmit dhe Mjedisit, Mirela Kumbaro, së bashku me kryebashkiakun e Korçës, Sotiraq Filo, ishin në Voskopojë për mbjelljen e rreth 21 hektarëve. 40 mijë fidanë të rinj u mbollën për të rehabilituar zonën e dëmtuar nga zjarret vite më parë.

Kumbaro e cilësoi Bashkinë e Korçës, si një nga bashkitë që ka performuar më mirë, sa i përket menaxhimit të pyjeve.

“Dua të falenderoj Bashkinë Korçë, se është një nga ato bashkitë që në atë eventin e parë kur hapëm atë eventin e vitit të pyjeve ishte ndër bashkitë që kishte performuar më mirë, sipas analizës së Agjencisë Kombëtare të Pyjeve. Edhe se ka ecur me një ritëm të mirë, por besoj se ka akoma shumë për të bërë për sa i përket planit të menaxhimit dhe mbarështimit të pyjeve”, u shpreh ajo.

Mbillen 40 mijë fidanë në Voskopojë/ Rehabilitohet zona e

Ndërkohë Filo zbuloi se si bashki kanë si prioritet turizmin dhe zhvillimin e zonave pyjore drejt këtij qëllimi.

“Korça ka 14 ekonomi pyjore. Potenciali është i madh. Korça është një bashki që ndër prioritetet e saj ka dhe turizmin. Një komponent shumë i rëndësishëm i tij është turizmi i natyrës me të gjithë elementet e tij dhe pyjet e kullotat janë një element shumë i rëndësishëm që duhet të vihen në shfrytëzim”, u shpreh kryebashkiaku i Korçës, Sotiraq Filo.

Mbjellja e fidanëve në Voskopojë vjen në kuadër të aksioneve të ndërmarra në 2024, vit që qeveria Rama e ka pagëzuar Vitin e Pyjeve./ CNA

Mbillen 40 mijë fidanë në Voskopojë/ Rehabilitohet zona e





Lajmet e fundit nga