web counter
LEXO PA REKLAMA!

SHKARKO APP

App Store
Google Play

Vokshi sulmon ashpër Ramën/ “Akti i tij ndaj gazetares ishte shantazhues”

21 Mars 2024, 10:27, Aktualitet CNA
Vokshi sulmon ashpër Ramën/ “Akti i tij ndaj gazetares ishte
Deputetja Albana Vokshi

Deputetja Albana Vokshi ka reaguar me tone të ashpra për incidentin e kryeministrit Edi Rama me gazetaren Ambrozia Meta.

Vokshi tha se Rama cenoi integritetin fizik të gazetares, ndërsa aktin e cilësoi si anormal, dhunues, shantazhues dhe kërcënues.

Ajo nuk kurseu deputetët e PS-së dhe ministrat, teksa deklaroi se askush nga ta nuk doli në mbështetje të Ambrozia Metës.

“Jemi ndeshur me një akt anormal, të dhunshëm, akt shantazhues, kërcënues në cenim të integritetit të një gazetareje në detyrë, të një vajze. Tërësisht jashtë kontrolli, pasi e lëshuan nervat nga pyetjet e Ambrozia Metës për një nga aferat dhe skandalet më të mëdha, Edi Rama guxoi pas dhunës verbale dhe të cenonte integritetin fizik të saj. Ky është një akt i dënueshëm. I papranueshëm, i patolerueshëm.

Në fakt, është një gjest prej burracaku, ose më saktë prej të paburri. Kush është ai që të prekë vajzat, që të prekë gazetarët në detyrë? Ndiej një keqardhje shumë të madhe që asnjë deputet i kësaj ane nuk guxoi të dilte në mbështetje dhe të solidarizohej me një gazetare në detyrë”, theksoi deputetja./ CNA





Lajmet e fundit nga