web counter
LEXO PA REKLAMA!

SHKARKO APP

App Store
Google Play

E fundit!

x

“INCENERATORËT, INVESTIM I GABUAR”/ Baumann: U pa se nuk kanë lidhje me mbeturinat, por me krimin

23 Shtator 2024, 14:47, Aktualitet CNA

Menaxhimi i mbetjeve në vendin tonë është larg praktikave më të mira të përdorura në vendet evropiane, ku puna nis me ndarjen në të riciklueshme dhe jo të riciklueshme. Miliona euro të paguara për inceneratorë që do të përpunonin mbetjet, deri sot kanë prodhuar vetëm disa të arrestuar dhe jo efekte të përmirësuar për mjedisin. Në një intervistë për CNA TV, eksperti i Ekonomisë Qarkulluese, Lulzim Baumann, theksoi se për momentin inceneratorët nuk kanë të ardhme në Shqipëri, pasi prodhimi i energjisë përmes djegies është provuar se nuk mund të funksionojë dhe se investimet për inceneratorët janë të gabuara.

“INCENERATORËT, INVESTIM I GABUAR”/ Baumann: U pa se nuk

"Prodhimi i energjisë nga mbeturinat përmes djegies apo inceneratorit nuk mund të funksionojë edhe pse shumë miliona euro u hodhën për diçka të tillë. Të gjithë i kemi ndjekur skandalet që lidhen me inceneratorët. Flasim për qindra miliona euro që po hidhen drejt një investimi të gabuar. E dha provën inceneratori i Elbasanit, që kushtoi në mos gaboi 7-80 milionë euro dhe nuk po funksionon. Njëkohësisht investim po bëhet edhe në inceneratorin e Fierit që di që është përfunduar, ndërkohë po mendohet të ndërtohet edhe një i tretë në Tiranë. Është një investim që së fundmi ka treguar se nuk ka lidhje me menaxhimin e mbeturinave, fshiheshin shumë  mafiozë pas këtij investimi, kështu që është një investim totalisht i lidhur me korrupsionin dhe mafian sesa me menaxhimin e mbeturinave. Njëkohësisht u konfirmua se inceneratorët nuk kanë të ardhme në Shqipëri, të paktën për momentin. Shumë herë i kanë krahasuar rastet me Gjermaninë. Në Gjermani ka inceneratorë, por atje punojnë dhe në Shqipëri jo. Gjithashtu atje mbeturinat ndahen prej 30 apo 40 vitesh dhe që të shkojnë në incenerim, paraprakisht mbeturina duhet të ndahet. Me aq para sa janë hedhur në Tiranë për inceneratorin, unë mendoj se mund të ishte sistemuar i gjithë menaxhimi i mbeturinave në Tiranë, mbase edhe për qarkun e Tiranës. Ajo mundohem të them gjithmonë, është se çdo mbeturinë që shkon në landfill është para e humbur, përveçse na ndot. Të humbësh para duke u ndotur, kjo ndodh vetëm në Shqipëri. Ndërkohë atë mbeturinë mund ta shfrytëzonim për të fituar para dhe gjithashtu do të mbanim mjedisin të pastër", tha Baumann. 

Në mungesë të kapciteteve për trajtimin e e mbetjeve, Buamann ndër të tjera shtoi se djegia në natyrë është metoda më e dëmshme për shëndetin e njeriut./ CNA





Lajmet e fundit nga