E fundit!

15:15 Politikë

“Jo sipas karrierës, por kush rri pas Berishës”/ Murrizi: Problemi në PD, mungesa e garës

Ish-deputeti, Myslim Murrizi, komentoi sot procesin zgjedh...

“Plas” në Hetimorin e Shëndetësisë/ Vokshi, debat të ashpër me Ndrecën

24 Shtator 2024, 12:37, Aktualitet CNA

“Plas” në Hetimorin e Shëndetësisë/ Vokshi,

Foto nga mbledhja e Komisionit Hetimor për Koncesionet në Shëndetësi

Një debat i ashpër u regjistrua mes Albana Vokshit dhe Plarent Ndrecës në mbledhjen e Komisionit Hetimor për Koncesionet e Sterilizimit dhe "Check Up"-it në Shëndetësi.

Debati ndodhi gjatë marrjes së dëshmisë së Genc Byrazerit, ish-anëtarit të Komisionit të Sterilizimit.

Ndreca pretendoi se pyetjet e kryetares së Komisionit Hetimor, Albana Vokshi, po intimidonin dëshmitarin dhe ishin në shkelje të ligjit.

Deputetja e PD-së e kundërshtoi dhe ngriti akuza ndaj socialistit se po ndërhyn me urdhër nga jashtë mbledhjes.

Pjesë nga debati:

Ndreca: Po bën pyetje intimiduese ndaj dëshmitarit Byrazeri. Pyetjet e tua janë intimiduese, orientuese, sugjestionuese dhe që kërkojnë përgjigje të caktuara. S’mund të bëhet sipas qejfit...

Vokshi: Ju punoni me mesazhe!

Ndreca: Me mesazhe punoni ju, unë s’punoj me mesazhe. Ke bërë 3 herë të njëjtën pyetje, nuk lejoj të bëhen këto pyetje që e drejtojnë dëshmitarin në përgjigje të caktuara, se e kufizoni.

Vokshi: Unë lexova ligjin, po pyes Byrazerin për marrëveshjen e bërë për firmosje të procesverbaleve, informim për publikun.

Ndreca: Ke 20 minuta që flet, s’ke të drejtë të pakufizuar fjale, janë të drejta të kufizuara dhe po përmend ligjin.

Vokshi: A mund të mbarosh?

Ndreca: A do të bësh mbledhje? Kur mbaroj e di unë, nuk më thua dot mua të mbaroj. Lëri këto sjellje, se s’janë të hijshme, mbaroj kur e gjykoj unë. Dua dinjitet për dëshmitarin dhe ne e përdhosim se është turp!

Vokshi: Mos ma ngri zërin!

Ndreca: E ngre qe ç’ke me të, s’të marr leje ty, këtë instrument kam, zëri e qytetarëve shqiptarë!

Vokshi: Po bërtet, mos ma ngri zërin mua...!

Ndreca: Mos ndërhyni! Çdo dëshmi është e pavlefshme, e thotë ligji, po orientoni dhe intimidoni.

Vokshi: Ëhë...

Ndreca: Ëhë, uhu, nuk është argument dhe s’i shkojnë kryetares së Komisionit!

Vokshi: Po s’po e lë, po boll pra.../ CNA