web counter
LEXO PA REKLAMA!

SHKARKO APP

App Store
Google Play

E fundit!

x

BE shkëput Shqipërinë nga Maqedonia e Veriut/ Hap kapitujt e parë për integrimin

26 Shtator 2024, 09:13, Aktualitet CNA

BE shkëput Shqipërinë nga Maqedonia e Veriut/ Hap kapitujt e

Rruga e integrimit të Shqipërisë në BE do të shkëputet nga ajo e Maqedonisë së Veriut, me grupet e para të negociatave që do të hapen zyrtarisht më 15 tetor.

Ky ka qenë vendimi i marrë unanimisht nga ambasadorët e vendeve anëtare të Bashkimit Evropian të mërkurën.

Lajmin e ka konfirmuar një zëdhënës për Euractiv.

Shkëputja e integrimit të dy shteteve ndodhi për shkak të mosmarrëveshjeve midis Shkupit dhe Bullgarisë, të cilat kanë ndikuar drejtpërdrejt në progresin e Shqipërisë.

Hapi i radhës pritet të bëhet nga Shqipëria në mes të tetorit, në kuadër të konferencës ndërqeveritare dhe hapjes së “Cluster 1 – Fundamentals”.

Ky grup përfshin disa kapituj si: Prokurimi, Statistikat, Gjyqësori dhe të drejtat themelore, drejtësia, liria dhe siguria dhe kontrolli financiar.

Euractiv e cilëson ndarjen një lajm të mirë për Shqipërinë, por një pengesë për Maqedoninë e Veriut, e cila ka dështuar të bëjë një hap vendimtar drejt anëtarësimit në BE.

Kujtojmë se, Bullgaria dhe Maqedonia e Veriut ranë dakord nën presidencën franceze të BE-së në korrik 2022, për të ndryshuar kushtetutën e saj dhe për të përfshirë pakicën bullgare së bashku me pakicat e tjera të përmendura aktualisht si "populli turk, populli vlleh, populli serb, romët, popullit boshnjak, etj".

Kjo do të bënte që Sofja të heqë veton dhe përparimin e bisedimeve të Shkupit. Megjithatë, marrëveshja nuk është zbatuar për shkak të mungesës së vullnetit politik dhe konsensusit në Maqedoninë e Veriut, që do të thotë se integrimi i të dy vendeve ka ngecur.

Aktualisht, 100.000 qytetarë maqedonas kanë marrë nënshtetësinë bullgare, që do të thotë se kanë vërtetuar rrënjët e tyre bullgare.

Që kur partia nacionaliste VMRO-DPMNE fitoi zgjedhjet majin e kaluar, qeveria e re e Hristijan Mickoski e ka bërë të qartë se dëshiron të rinegociojë të ashtuquajturin "kompromis francez"./ CNA





Lajmet e fundit nga