web counter
LEXO PA REKLAMA!

SHKARKO APP

App Store
Google Play

E fundit!

x

Integrimi i Shqipërisë në BE/ Presidentja e Sllovenisë: Shqipëria i ka plotësuar kushtet

23 Maj 2024, 14:49, Aktualitet CNA

Integrimi i Shqipërisë në BE/ Presidentja e Sllovenisë:

Presidetja e Sllovenisë, Natasha Pirc Musari, ditën e sotme ka mbajtur fjalën e saj në Kuvendin e Shqipërisë teksa ka folur për anëtarësimin e Shqipërisë në BE. Musar ka deklaruar se Shqipëria është gati për t'u bërë pjesë e BE-së.

Presidentja theksoi se i gjithë rajoni i Ballkanit perëndimor duhet të jetë i bashkuar, pasi të ndarë do të dështojnë.

Presidentja Musar nënvizoi faktin se ka vetëm një mënyrë për të përballaur sfidat dhe ajo është puna në grup, pasi vendet e vogla janë të dobëta.

“Shqipëria i plotëson kushtet për hapjen e klasterit të parë të negociatave për anëtarësimin në BE. Sllovenia mezi pret të përshëndesë anëtarësimin e Shqipërisë në BE dhe të rrisim bashkëpunimin.

Rajoni duhet të jetë i bashkuar. Ka vetëm një mënyrë për të përballuar sfidat. Në sport njihet si puna në grup”, tha Presidentja.

Më tej ka folur për luftën në Ukrainë, duke thënë se Rusia është agresore dhe ka shkelur kartën ndërkombëtare.

Musar shprehet se vrasjet duhet të mbarojnë tani dhe ata që bëjnë krime ndaj njerëzimit duhet të dënohen.  

“Rusia duket se nuk do të ndalet. Retorika ushtarake në Evropë është e lartë dhe kjo na shqetëson.  Unë besoj se roli i diplomacisë nuk është trajtuar si duhet. Është bërë përparim në negociata. Autoritetet ruse duhet të kuptojnë se Rusia është agresore që ka shkelur kartën ndërkombëtare. Duhet të insistojmë që vrasjet duhet të mbarojnë dhe ata që bëjnë krime ndaj njerëzimit të dënohen”, tha Presidentja në fjalën e saj në Kuvendin e Shqipërisë./ CNA





Lajmet e fundit nga