web counter
LEXO PA REKLAMA!

SHKARKO APP

App Store
Google Play

Ekskluzive/ SPAK shkresa Tatimeve, QKB-së dhe Hipotekës për pasuritë e Veliajt dhe familjarëve të tij

23 Maj 2024, 10:17, Aktualitet CNA

SPAK-u vijon punën për hetimin pasuror ndaj kreut të Bashkisë së Tiranës, Erion Veliajt dhe familjarëve të tij.

Burime për CNA bëjnë me dije se SPAK-u u ka dërguar shkresa disa institucioneve për të mbledhur të dhëna dhe dokumente për pasuritë e Veliajt, bashkëshortes së tij, Ajola Xoxa, vëllait të tij, Arbër Veliaj, si dhe familjarëve të tjerë. 

Mësohet se shkresë SPAK-u i ka nisur Agjencisë Shtetërore të Kadastrës, Drejtorisë së Përgjithshme të Tatimeve, Qendrës Kombëtare të Biznesit dhe institucioneve të tjera financiare, ku ka kërkuar informacion për pasuritë e Veliajt dhe familjarëve të tij. 

Ndërkohë është kërkuar informacion për pagesat, detyrimet ligjore që Ajola Xoxa dhe Arbër Veliaj kanë ndaj shtetit për bizneset e tyre. (lexo këtu)

Dy ditë më parë agjentët e BKH-së shkuan në banka për të mbledhur materiale e dokumente në lidhje me pasuritë dhe transaksionet e bëra nga shtetasi Erion Veliaj dhe vëllai i tij, Arbër Veliaj.

CNA raportoi se oficerët e BKH-së shkuan në disa banka të nivelit të dytë për të mbledhur dhe për të tërhequr të gjitha të dhënat nga llogaritë bankare për transaksionet që ka kryer Erion Veliaj, për transaksionet e bashkëshortes së tij, Ajola Xoxa, si dhe të vëllait të tij, Arbër Veliaj.(lexo këtu)

Pas veprimeve të BKH-së dhe mbledhjes së materialeve, qartësisht duket që BKH ka filluar të verifikojë lidhjet e forta të Erion Veliajt me drejtorët dhe jo vetëm për dosjen "5D", por edhe për aferën e inceneratorëve. 

Sakaq, të hënën, oficerët e Byrosë Kombëtare të Hetimit shkuan në disa institucione dhe biznese private për të marrë dokumentacione të nevojshme për hetimet që vijojnë për dosjen "5D".(lexo këtu)

Oficerët e BKH-së mundën të mblidhnin dokumente, ku tregohet bashkëpunimi i drejtorëve të Erion Veliajt me disa subjekte private, apo edhe institucione. 

Kështu, me lëvizjet e fundit të SPAK-ut, konfirmohet edhe lajmi i CNA-së i publikuar pak javë më parë, që SPAK-u ka nisur hetim pasuror ndaj drejtorëve të Veliajt./CNA 

 





Lajmet e fundit nga