web counter
LEXO PA REKLAMA!

SHKARKO APP

App Store
Google Play

Kur përfaqësuesit e hajdutëve, krimit dhe korrupsionit thërrasin në raportim Altin Dumanin

22 Maj 2024, 17:20, Aktualitet CNA

Ditën e sotme, kreu i SPAK-ut, Altin Dumani, i shoqëruar nga Aida Hajnaj, drejtoresha e BKH-së dhe prokurori Adnan Xholi e Klodian Braho, ishin të pranishëm në Komisionin e Ligjeve për të bërë raportimin e tyre vjetor në lidhje me aktivitetin e SPAK-ut gjatë vitit 2023.

Në fakt, përtej procedurës ligjore dhe raportimit që duhet të bëjë SPAK, ajo që bie në sy është se Altin Dumani duhet të përgjigjet përballë njerëzve, të cilët i ka thirrur dhe i ka ende në proces hetimi, ata ose familjarët e tyre.

Duhet të flasë dhe t’i përgjigjet njeriut që doli në Parlament dhe mbrojti me pathos hajdutëritë e drejtorëve të Erion Veliajt, njeriut, i cili po kërkon të ngrejë në hije një komision pikërisht për të sulmuar SPAK-un, në emër të gjoja Reformës në Drejtësi dhe kthimit të saj në shinat e duhura. Duhet të flasë dhe të përgjigjet përballë personave, që i ka në hetim për inceneratorët.

Duhet të flasë dhe t’i përgjigjet deputetes së cilës i ka kontrolluar dhe sekuestruar telefonat.

Le pastaj që duhet t’i përgjigjet të famshmit servil, i cili ka hallin e doktorit te ballkoni.

Kur përfaqësuesit e hajdutëve, krimit dhe korrupsionit

Shumica e anëtarëve të Komisionit të Ligjeve, përfshi këtu vëllain e arrestuar të ndonjë deputeti në megaoperacionin e SPAK-ut, janë me probleme përballë SPAK-ut, janë në konflikt të pastër interesi me SPAK-un.

Nga posti i tyre politik, këta deputetë kanë mundur të jenë përfitues në lidhje me krimin dhe korrupsionin dhe tani duhet të qëndrojnë përballë Dumanit dhe t’i japin mend apo t’i shtrojnë dhe pyetje për luftën ndaj korrupsionit, luftën ndaj krimit e kështu me radhë.

Pra, ata që SPAK-u i heton, ata që kanë bashkëpunuar me krimin, ata që kanë bërë korrupsion, ata tani e kanë përballë Altin Dumanin dhe e pyesin, i japin edhe mendime si të luftojë krimin, si të luftojë korrupsionin, si të luftojë dhe zbatojë ligjin SPAK.

Kur përfaqësuesit e hajdutëve, krimit dhe korrupsionit
SPAK

Në fakt problemi i ligjit janë shumica përballë Dumanit tashmë, me akuza disa, disa të hetuar, por fillojnë dhe japin mend, bëjnë dhe parashtresë, parashtrojnë dhe ide.

Kush?

Bashkëpunëtorët e krimit, korrupsionit dhe aferave në Shqipëri që ndodhen si anëtarë në Komisionin e Ligjeve se janë deputetë të PS-së, të PD-së, të LSI-së, e me radhë. Këta tani që do të bëjnë pyetje mbi raportin e SPAK-ut për punën e tij, ku në fakt pjesë kryesore e punës së raportit janë vetë ata që ndodhen përballë Altin Dumanit./ CNA





Lajmet e fundit nga