web counter
LEXO PA REKLAMA!

SHKARKO APP

App Store
Google Play

Kërkesa për rinovim të mandatit të prokurorit/ Dumani i “mbyll gojën” Gjiknurit

22 Maj 2024, 12:31, Aktualitet CNA
Kërkesa për rinovim të mandatit të prokurorit/ Dumani i
Damian Gjiknuri

Kreu i SPAK-ut, Altin Dumani, ka raportuar punën e Prokurorisë për vitin 2023. Pas raportimit, Dumani iu përgjigj pyetjeve për kërkesën për rinovimin e mandatit të prokurorit.

Kreu i SPAK-ut sqaroi me detaje që është thelbësore vijimësia e mandatit për standardin e lartë që ka krijuar Prokuroria në lidhje me pandëshkueshmërinë.

Dumani më herët u shpreh se kërkesa për rinovimin e mandatit nuk ka të bëjë me karrierën personale të tij apo të kolegëve, por ajo që është kryesore është se çështja duhet trajtuar në kuadër të efektivitetit të institucionit.

Pra, kreu i SPAK-ut deklaroi se kur merresh me një çështje, e heton atë, di gjithçka, çdo detaj dhe hapat e radhës që do të ndërmarrësh, nuk do të ishte efektive nëse do të ndërpritej puna e një prokurori për përfundimin e mandatit.

Prokurori mund të rikandidojë dhe mund të plotësojë të gjitha kriteret që duhen për t'u rizgjedhur.

Ky shpjegim shterues nuk i ka mjaftuar, siç duket, Damian Gjiknurit, të cilit Dumani ia mbylli gojën thjesht dhe qartë duke thënë se roli i tij është të adresojë shqetësimin si drejtues i institucionit.

Ai nuk shprehet aspak i shqetësuar për mandatin e tij, pasi 9 vjet për të janë të mjaftueshme, por çështja, siç e theksoi më herët, është tek efektiviteti.

“Lidhur me mandatin patjetër që ka nevojë për ndryshime kushtetuese dhe ligjore. Në cilësinë e drejtuesit kam shprehur kërkesën e prokurorëve. Roli im është të adresoj. Mua mos më llogarisni fare, për mua janë mjaftueshëm 9 vjet.

Por unë jam drejtues i këtij institucioni dhe atë kam përcjellë para jush dhe opinionit publik, arsyet pse duhet të ndodhin ndryshimet janë këtu në raport. Është pjesë e bindjes sime që e drejta për të rinovuar mandatin do të kontribuojë në vazhdimësi dhe në efektivitetin e institucionit”, tha Dumani./ CNA





Lajmet e fundit nga