web counter
LEXO PA REKLAMA!

SHKARKO APP

App Store
Google Play

Të thirrur dhe të hetuar nga SPAK-u/ Deputetët në Komision, në rresht për një para Dumanit

22 Maj 2024, 12:03, Aktualitet CNA

Sot, në Komisionin e Ligjeve po raporton kreu i SPAK-ut, Altin Dumani, për punën e këtij institucioni gjatë vitit 2023.

Përpara tij, Dumani ka shumë fytyra të njohura, jo për shkak të postit që mbajnë, por për hetimet që Prokuroria po kryen ndaj tyre.

Pjesë e këtij Komisioni janë Monika Kryemadhi, Xhemal Qefalia, Olta Xhaçka, Eduard Ndreca, Nasip Naço, Damian Gjiknuri.

Disa prej tyre kanë dhënë llogari në SPAK për çështje të ndryshme.

Le t’i shohim me radhë:

Monika Kryemadhi po hetohet nga SPAK-u për pasurinë dhe për lobim.

Deputetja Olta Xhaçka, e cila ndodhet në krah të Dumanit, është nën hetim për 3 çështje për të cilat akuzohet.

Së pari, është kallëzimi i ish-deputetit të PD-së, ish-Shefit të Shtabit të Ushtrisë, Xhemal Gjunkshi, i cili ka kallëzuar në vitin 2019 ministren Olta Xhaçka, pasi ka shkuar gjatë zgjedhjeve lokale të atij viti me helikopterin e ushtrisë në fushatë.

E dyta, është një çështje në lidhje me flotën tonë detare në Shëngjin të Lezhës. Te baza e kësaj flote është bërë një ndërtim.

Dhe e treta është ajo e godinave dhe e të gjitha ambienteve të flotës detare në Sarandë.

Një tjetër i pranishëm në mbledhjen e Komisionit të Ligjeve ku po raporton Dumani është Nasip Naço, i cili ka qenë në SPAK për aferën CEZ-DIA.

Damian Gjiknuri po ashtu është thirrur në SPAK dhe po hetohet për McGonigal, dosjen e inceneratorëve dhe për hetimin pasuror ndaj tij.

Vëllai i deputetit të PS-së, Xhemal Qefalia, akuzohet për abuzime me tenderët ku ka përfituar miliona euro.

Eduard Ndreca ndodhet sot përpara Prokurorit, i cili drejtoi megaoperacionin me 50 urdhër-arreste ku ranë në rrjetë shumë emra të botës të krimit, ndër ta edhe vëllai i deputetit të PS-së, Eduard Ndreca, Armando Ndreca./ CNA





Lajmet e fundit nga