web counter
LEXO PA REKLAMA!

SHKARKO APP

App Store
Google Play

Miratohet shifra/ Sa do të paguhen anëtarët e Komisionit të Licencave për kanabisin

22 Maj 2024, 15:35, Aktualitet CNA
Miratohet shifra/ Sa do të paguhen anëtarët e Komisionit të
Kryeministria

Këshilli i Ministrave ka miratuar këtë të mërkurë pagesën për anëtarët e Komisionit të Licencave, për kultivimin e kanabisit për qëllime mjekësore.

Anëtarët do të paguhen 25 mijë lekë për mbledhje.

Por sipas vendimit, anëtarët nuk mund të marrin më shumë se 12 pagesa në vit.

“VENDIM PËR PËRCAKTIMIN E MASËS SË PAGESËS PËR ANËTARËT E KOMISIONIT TË LICENCAVE PËR KULTIVIMIN E CANNABIS-IT PËR QËLLIME MJEKËSORE

Në mbështetje të nenit 100 të Kushtetutës dhe të shkronjës “a”, të pikës 5, të nenit 8, të ligjit nr.35/2023, “Për kompetencat për caktimin e pagave, trajtimeve të tjera financiare dhe përfitimeve të të punësuarve në institucionet e administratës publike, si dhe të pagës bazë minimale në shkallë vendi”, me propozimin e ministrit të Financave, Këshilli i Ministrave

V E N D O S I:

1. Anëtarët e emëruar në Komisionin e Licencave për kultivimin e cannabis-it për qëllime mjekësore përfitojnë një pagesë për pjesëmarrjen dhe kontributin e tyre në këtë komision, në masën 25 000 (njëzet e pesë mijë) lekë për mbledhje, por jo më shumë se 12 (dymbëdhjetë) pagesa në vit.

2. Ky vendim i shtrin efektet financiare nga momenti i bërjes efektiv të komisionit dhe këto efekte përballohen brenda buxhetit të Ministrisë së Shëndetësisë dhe Mbrojtjes Sociale.

3. Ngarkohet Ministria e Shëndetësisë dhe Mbrojtjes Sociale për zbatimin e këtij vendimi.

Ky vendim hyn në fuqi pas botimit në “Fletoren zyrtare”.”, thuhet në VKM./ CNA





Lajmet e fundit nga