web counter
LEXO PA REKLAMA!

SHKARKO APP

App Store
Google Play

“Kolegët” e marrin nën akuzë dhe i hetojnë pasurinë Erion Veliajt

22 Maj 2024, 10:41, Editorial CNA

Shkrimi i parë i CNA-së i përket muajit dhjetor, duke raportuar se Erion Veliaj ishte marrë në hetim për çështjen e inceneratorit të Tiranës. (LEXO KETU)

Më pas Erion Veliaj u thirr në SPAK. Bëri disa spektakle publike.

Në fillim u operua, pastaj u shmang me udhëtimet jashtë dhe në fund doli në media dhe tha se shkoi vetë te “kolegët” e tij për të pasur një marrëdhënie proaktive sepse mund të shkonte në çdo orar, kur të donte ai, në SPAK. (LEXO KETU)

Më parë kishte thënë se kishte dhe b*le hekuri dhe SPAK-un e kishte në kontroll. Shkoi në SPAK dhe e lanë të priste një orë te dera se kishte shkuar kur donte ai dhe jo në orarin që kishte në fletëthirrje.

“Kolegët” e marrin nën akuzë dhe i hetojnë

U mbajt për 7 orë, u pyet gjerë e gjatë dhe kur doli kishte një tjetër qasje. Te dera qeshi, por më pas në një mbledhje “online” të Këshillit Bashkiak shpërtheu.

I punoi vetëdija, filloi të reflektonte. E kuptoi se çfarë kishin mundur të zbulonin prokurorët e SPAK-ut në hetimet e tyre.

5 DOSJET E VELIAJT

Për Erion Veliajn nuk ka një, por më shumë se 5 dosje. Janë inceneratorët, dosja “5D”, prishjet e pallateve, dhëniet e lejeve të ndërtimit në Tiranë, shembja e teatrit e të tjera. Këto janë ato që dihen publikisht.

Erion Veliaj tentoi të sillej me SPAK-un sikur ishte shefi i tyre.(LEXO KETU)

“Kolegët” e marrin nën akuzë dhe i hetojnë
Erion Veliaj

I quajti dhe kolegë. Një sjellje monstruoze, një artikulim i pështirë i një individi që nuk i shkonte aspak dhe tani me dokumente e fakte po provohet se Erion Veliaj është person në hetim nga SPAK-u dhe ndaj tij ka filluar hetimi pasuror.

Këtë CNA e ka thënë javën e kaluar, e ka thënë disa ditë më parë, dje sërish, dhe më në fund do të duhej të dilte një dokument i firmosur nga prokurori Ols Dado, për të kuptuar se çfarë po ndodhte.

“Kolegët” e marrin nën akuzë dhe i hetojnë

“Kolegët” e marrin nën akuzë dhe i hetojnë

Erion Veliajt po i hetohet pasuria, gjithashtu edhe bashkëshortes së tij Ajola Xoxa, e cila, megjithëse juriste, është kthyer në një kuratore arti.

Vëllai i tij, Arbër Veliaj, i cili është kthyer në një nga njerëzit më të pasur në Shqipëri nëpërmjet kompanive të tij për shpërndarjen e reklamave nga bizneset më të mëdha, të cilat i përdor për të goditur mediat kritike ndaj vëllait të tij, por edhe për të siguruar pasurinë.(LEXO KETU)

Personi në hetim është edhe nëna e Erion Veliajt, e cila me kursimet e saj e martoi djalin në Kalanë e Gjirokastrës, me dhjetëra apo qindra miliona lekë dasmë, të cilën Shqipëria nuk e kishte parë më parë në të tilla përmasa, aq zhurmuese, aq triumfuese, sikur po martohej Mbreti i Shqipërisë apo Perandori i saj.

“Kolegët” e marrin nën akuzë dhe i hetojnë
Dasma e Erion Veliajt dhe Ajola Xoxës

Në fakt, ishte thjesht dhe vetëm një zyrtar i Rilindjes, një 99-ç që dje kishte nxjerrë PS-në në opozitë dhe sot po merrte benefitet pas ardhjes së saj në pushtet. Tashmë “kolegët” i kanë filluar hetimin pasuror. Shumë shpejt do të ketë rezultate.

STANDARDI DUMANI

CNA, por dhe gazetari Elvi Fundo, e kanë deklaruar se po ndiqet me Erion Veliajn e njëjta skemë si me ish-zëvendëskryeministrin, nga Altin Dumani.Pra, po zbatohet ajo që ne kemi kërkuar, standardi “Dumani” në drejtësi.

Dhe ashtu si ndodhi me të parët, do të ndodhë me të gjithë zyrtarët, ish-zyrtarët apo personat e përfshirë në aferat korruptive që të mos dëgjojmë më shqiptarët e varfër lart e poshtë se kush nuk i bën 1 apo 2 vjet burg për 5 apo 10 milionë euro.

Por sekuestrimi i pasurive do të bëjë që paratë e vjedhura të rikthehen te qytetarët, t’u rikthehen shqiptarëve, t’u rikthehen taksapaguesve dhe të mos ketë më zdromsa, të cilët provokojnë, tallin prokurorët e SPAK-ut dhe më pas dalin se janë krerët e një organizate plot me hajdutë në Bashkinë e Tiranës./ CNA

 





Lajmet e fundit nga