web counter
LEXO PA REKLAMA!

SHKARKO APP

App Store
Google Play

Standardi “Dumani” që duhet për Veliajn dhe drejtorët e tij

30 Prill 2024, 11:37, Editorial CNA
Standardi “Dumani” që duhet për Veliajn dhe drejtorët
Fotomontazh - Erion Veliaj dhe Altin Dumani, në sfond SPAK

Shumë kohë më parë CNA ka publikuar disa shënime, editoriale dhe materiale të ndryshme.

Janë materiale të publikuara këtu me një tezë të qartë: standardi i reformës në drejtësi. A do të ishte kjo reformë në drejtësi e vërtetë apo do të ishte një drejtësi që do t’i shërbente njërës palë apo palës tjetër?

Thelbi i reformës që në hapat e saj të parë nga të gjitha deklarimet e financuesve të saj, siç ka qenë SHBA-ja dhe BE-ja, ka qenë fjala të marrë fund pandëshkueshmëria, standard i qartë.

Nuk ka rëndësi cilën zyrë mban dhe çfarë posti ke, por në qoftë se shkel ligjin hetohesh dhe gjykohesh.

Këtë standard e vuri Altin Dumani me Arben Ahmetajn, ish-zv.kryeministrin, dhe kjo është thënë e para që duhet vendosur standardi “Dumani”.

Ashtu sikundër veproi Dumani me Arben Ahmetajn, në të njëjtin standard duhet të veprojnë dhe kolegët e tij. Nuk mund të ketë disa të nënës dhe disa të njerkës. Pra, disa hetohen, por nuk kanë hetim pasuror, të tjerët kanë hetim pasuror, por nuk kanë hetim për shkeljet e ligjit e kështu me radhë.

Standardi “Dumani” që duhet për Veliajn dhe drejtorët

Pra, nuk duhet të ketë dy standarde.

Nuk ka rëndësi kryetari i Bashkisë së Lushnjës apo Bulqizës, apo Fushë-Krujës, ata janë dënuar për kanale, për tenderë, ndërsa Erion Veliaj ka zullume.

Tenderët e Veliajt i kanë fituar drejtorët e tij, ata që ai i mban dhe i mbron dhe sot thotë se kanë bërë një mijë punë të mira, por në fakt nga ato një mijë, shumë prej miliona eurosh i kanë marrë vetë ata që kanë qenë aty brenda.

Ndaj dhe kemi raportuar e kemi kërkuar ditë pas dite standard në drejtësi, standardin “Dumani” për të gjithë njësoj.

Nuk ka si të quhet e suksesshme reforma në drejtësi në rast se shkon në SPAK Erion Veliaj se ka qejf ai. Kjo gjë nuk ndodh dhe e dinë të gjithë, por mënyra se si ai do që ta shesë nuk bën gjë tjetër thjesht dhe vetëm vret reformën në drejtësi.

Standardi “Dumani” që duhet për Veliajn dhe drejtorët
Erion Veliaj në SPAK

Për këtë arsye në themel të gjithçkaje duhet të jetë standardi. Nuk ka rëndësi kush je apo çfarë karrige mban, por hetohesh dhe gjykohesh sepse nuk ka të paprekshëm.

Dhe Erion Veliaj, i cili deklaronte b*let e tij të hekurta, tani është njeriu që do të përballet me SPAK-un, do të përballet me hetimet dhe do të mbajë përgjegjësi para ligjit për veprimet apo mosveprimet e tij dhe për dëmin me qindra miliona euro që i është bërë Bashkisë së Tiranës nga dosja “5D” dhe inceneratorët./ CNA

 





Lajmet e fundit nga