E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Hallet e vërteta të Erion Veliajt

9 Prill 2024, 16:32, Editorial Elvi FUNDO

Kryebashkiaku i Tiranës, Erion Veliaj

I djersitur, i nxirë, në një monolog me gazetarë të heshtur, servilë pushteti, në median ortake të inceneratorëve, Erion Veliaj u shfaq dje sa në rolin e sulmuesit, akuzuesit, viktimës dhe moralistit, kërkonte të gjente halle të tjera për hallet e tij.

Në fakt, mjafton një analizë e shkurtër për të kuptuar se hallet e Veliajt nuk janë as lejet e pallateve, as gazetarët gjobaxhinj, as mediat e inceneratorëve, ku shkon dhe cicëron, as televizionet e gjobaxhinjve që ai i përdor për shantazhe e sulme kundër gazetarëve, as kullat që ndërtohen në qendër të Tiranës dhe ai bën sikur nuk i shikon dhe as drejtorët hajdutë që janë komanda menaxhuese e Bashkisë së Tiranës.

Fotomontazh - Erion Veliaj dhe disa nga drejtorët e arrestuar

Halli i parë, shitja nga drejtorët hajdutë

Janë disa drejtorë që ranë, do të bien edhe të tjerë rrugës, por halli i parë i Erion Veliajt është a do ta shesin drejtorët e tij hajdutë, sepse midis tyre ka besnikë dhe jobesnikë dhe ky është problemi i parë.

Erion Veliaj, në ditë të hallit
6 Prill, 14:34
Veliaj flirton me drejtorët hajdutë nga media e inceneratorëve
8 Prill, 22:38

Nuk ka rëndësi se hajdutë të tjerë mund të gjejë e t’i zëvendësojë, të bëjë sikur i mbron, të thotë sikur ka bërë punë të mëdha, të gënjejë, pasi edhe për Mariglen Qaton dhe Redi Mollën gënjeu e tha histori me bulevardin, kur ata nuk kanë qenë aspak në IMT e kështu me radhë.

Halli i tij i vërtetë është a do ta shesin hajdutët, këta të mëparshmit, këta të tjerët për inceneratorët, për “5D”-në apo të tjera zullume dhe qyfyre brenda Bashkisë së Tiranës. Nuk janë ato që thotë vetë ai. Si gjithmonë, Erion Veliaj është një mashtrues klasik.

Bashkia e Tiranës

Halli i dytë, Partia Socialiste

Halli i dytë i Erion Veliajt është Partia Socialiste. Ata që janë arrestuar dhe shumë të tjerë janë koordinatorë të PS-së në Tiranë, një cikël politik i tyre i mbyllur, por hall i madh për Veliajn është se a do t’i bashkëngjiten të tjerët, a do të ketë më mbështetje në PS-në e Tiranës.

Veliaj foli, socialistët e neverisin
9 Prill, 10:44

Ai e di shumë mirë që nuk e duan, nuk e duan si 99-ç, nuk e duan si Mjaftist, kryebashkiak u bë si socialist dhe tani ju vuri damkën e hajdutit me fakte dhe prova si askush më parë. Tani të tjerëve që janë atje, socialistëve të vërtetë, jo vetëm në Tiranë, por në të gjithë Shqipërinë u vjen turp nga Erion Veliaj, jo vetëm nga drejtorët e tij hajdutë që u kapën dhe Erion Veliaj ishte në dijeni dhe i mbronte, por edhe për faktin se prej 10 ditësh po përpëlitet, po përpiqet që të justifikohet, t’i mbajë ata, të mbajë dhe veten, të gjejë gajret, të gjejë shpresë. Veliaj tashmë është 99-çi që me bandën e tij të hajdutëve u vuri me vendim gjykate, damkën HAJDUTE socialistëve, një sekt që njollos një parti historike.

Erion Veliaj kur drejtonte Mjaft-in

Halli i tretë, e ardhmja e zymtë në politikë

Veliaj ka vetëm një qëllim, të gënjejë njerëzit që të ngelet sërish në politikë, pasi ka një hall të tretë, e ardhmja i duket shumë e zymtë, i duket shumë e zymtë në PS dhe në politikë.

Pasi të mbarojë mandatin e kryetarit të bashkisë, ku do të shkojë me një tufë hajdutësh dhe me disa të tjerë që pritet të kapen së shpejti, pritet të dalin para drejtësisë. Cila do jetë e ardhmja politike e tij?! Ai tashmë është i goditur jo vetëm politikisht.

Halli i katërt, banka e të akuzuarve

Erion Veliaj ka një hall të madh, hallin e katërt, a do të shkojë në bankën e të akuzuarve, a do të ketë një akuzë ndaj tij?

Ekskluzive/ Erion Veliaj thirret në SPAK
5 Prill, 14:12
Deklarata e fortë e gazetarit Fundo/ “SPAK ka 5 dosje për Veliajn”
8 Prill, 22:52

Ai e ka problem të madh me atë që e quan "çeta e kalasë së Dodës në Reformën në Drejtësi", ata që i kanë hetuar disa dosje, të cilët e gëzuan kur arrestuan ndonjë drejtor tjetër që nuk ishte i tij.

Njeriu që e justifikonte veten edhe me zullumet që kishte brenda bashkisë, edhe duke mos vepruar për aferën e inceneratorit të Tiranës, duke mos u ndarë kurrë nga Mirel Mërtiri, nga Klodian Zoto, duke mos u ndarë kurrë nga drejtorët e dosjes “5D”, megjithëse e mori vesh një vit më parë e i mbrojti ata.

Nuk u nda kurrë nga kullat që ndërtoheshin pa leje në Tiranë, duke mos u ndarë kurrë nga drejtorët e tij të korruptuar që ndërtonin hotele dhe shtesa katesh pa leje, drejtorët e tij që janë bërë miliarderë, drejtorët e tij që jepnin tenderë për kompaninë “5D” apo atë të inceneratorëve.

Ky është halli më i rëndësishëm i Erion Veliajt, deri ku do t’i shkojë vaji në lakra, a do të shkojë drejtësia t’i trokasë në derë dhe t’i thotë: “Erion, ti je i akuzuar për një, dy apo tri çështje”. Rekomandimin që mos fliste e morri sfidë.

SPAK

Këto janë 4 hallet e mëdha të Erion Veliajt, ka dhe shumë problematika të tjera, por ato i kalon.

Nuk shqetësohet shumë Erion Veliaj se çfarë i thotë media, se ç’shkruajnë ata që e kritikojnë, se 80% apo më shumë, mediat e mëdha, mediat kryesore i kontrollon vetë, i menaxhon, u dërgon mesazhe, u dërgon financime, ia ka dërguar me inceneratorët, ua ka dërguar me drejtorët, ua dërgon me biznese, ua dërgon me reklama nga vëllai i tij.

Këto nuk janë hallet e Erion Veliajt.

Erion Veliaj ka vetëm 4 halle: a do ta shesin drejtorët e tij hajdutë, a do ta pranojnë më socialistët, cila është e ardhmja e tij në politikë dhe e fundit, çfarë do të ndodhë me të përballë drejtësisë?