web counter
LEXO PA REKLAMA!

SHKARKO APP

App Store
Google Play

Çfarë fitoi opozita nga marrëveshja me mazhorancën?!

13 Mars 2024, 12:03, Editorial CNA
Çfarë fitoi opozita nga marrëveshja me mazhorancën?!
Foto ilustruese

Opozita shpalli fitoren. Pas 5 muajsh betejë u deklaruan se u morën dy komisione dhe ky ishte një sukses i madh i qëndresës në parlament.

Nga ana tjetër, mazhoranca tha se Komisionet Hetimore atje ishin dhe nuk kishte ndryshuar asgjë thjesht dhe vetëm demokratët shkuan atje ku u takonte sipas ligjit.

Nga ana tjetër pretendohet se një fitore e madhe e opozitës ishte edhe Reforma Zgjedhore, pasi shumica e Grupit Parlamentar tashmë është bashkuar rreth Sali Berishës me Gazment Bardhin dhe deputetët e tij e kanë lënë Lulin në vetmi dhe nuk do të jetë si personi kryesor i Reformës Zgjedhore me Alibeajn, por do jetë shumica e Grupit Parlamentar e krijuar nga bashkimi i Sali Berishës me Gazment Bardhin.

Çfarë fitoi opozita nga marrëveshja me mazhorancën?!

Në fakt, nga e gjithë marrëveshja opozita nuk ka fituar asgjë.

Edhe për më optimistin fitorja është një zero me bisht.

Së pari, Komisionet Hetimore parlamentare aty ishin, aty janë, por ka një ligj të ndryshuar për Komisionet Hetimore parlamentare, për të cilin Gazment Bardhi dhe të tijtë justifikohen me faktin se do të jetë Gjykata Kushtetuese që mund ta rrëzojë.

Me ligjin e ri për Komisionet Hetimore parlamentare ato janë të pavlera, janë kot.

Nuk ka një bazë të thelluar hetimore. Gjithçka vendoset me shumicë votash në komisione.

Komisioni mund të krijohet me shumicën e votave, për të kryer hetimin duhet shumicë votash. Nuk e bëjnë më deputetët, por ekspertët, e kështu me radhë.

Pra, atë që pamë në komisionin e inceneratorëve, ku kryeministri u vu me shpatulla pas murit bashkë me bashkëpunëtorët e tij të tillë, komision nuk do të shohim më kurrë.

Prandaj fitorja e opozitës s'është asgjë, thjesht dhe vetëm një njohje nga Partia Socialiste dhe mazhoranca në pushtet e shumicës së re që ka në përfaqësim PD-në.

Një shumicë e re brenda opozitës sepse Edi Rama nuk e njihte pjesën e Berishës, por njihte vetëm Lulzim Bashën.

Largimi i Gazment Bardhit, kalimi i tij në nënkryetar partie, mbajtja dhe e Agron Gjekmarkajt si nënkryetar partie, për të ruajtur edhe postet në Kuvend, njëri si kryetar grupi dhe tjetri si nënkryetar Kuvendi, thirrën Grupin Parlamentar të PD-së dhe bënë që Edi Rama të njihte ata që ishin 40 deputetë, jo ata 5 apo 7 që i kanë ngelur Lulzim Bashës.

Çfarë fitoi opozita nga marrëveshja me mazhorancën?!
Edi Rama dhe Lulzim Basha

Është e qartë që palët do të shpallin fitoret dhe humbjet e tyre, por në fund duhet të kuptohet që askush nuk ka fituar asgjë thjesht dhe vetëm kanë humbur kohë dhe tashmë shpikën një lloj marrëveshjeje për të shpallur secila palë fitoren.

Socialistët për të thënë që janë tolerantë dhe gjejnë dakordësi, demokratët për të thënë se fituan Komisionet Hetimore dhe Reformën Zgjedhore, në fakt, në finale e gjitha çka ka ndodhur këto 5 muaj ka një përgjigje: "Edi Rama njohu shumicën e re opozitare". Ky është thelbi i gjithçkaje.

Asgjë më shumë sesa kaq nuk ka fituar grupimi i Berishës me Bashën apo PD-në pa vulë./ CNA

 





Lajmet e fundit nga