web counter
LEXO PA REKLAMA!

SHKARKO APP

App Store
Google Play

E fundit!

x

Akuzat/ Kush e pagoi dhe për kë u bë videoja e Alma Kaçit me Gjicin?!

13 Shkurt 2024, 18:20, Editorial CNA
Akuzat/ Kush e pagoi dhe për kë u bë videoja e Alma Kaçit
Alma Kaçi

Alma Kaçi pasi u dënua me 1 vit burg nga SPAK për prostitucion, ka filluar të shfaqet në media shumë herë më aktive sesa në momentin e parë kur rrodhi videoja e saj intime me ish-kryebashkiakun e Kukësit, Safet Gjici.

Kaçi, e cila pretendon se është gazetare investigative, e akuzuar për prostitucion nga SPAK, e dënuar me vendim të gjykatës së shkallës së parë, u kujtua tani pas një viti të thotë se e ka instruktuar “Fiks Fare” për kamerën që realizoi.

Pra, kanë qenë drejtuesit e emisionit “Fiks Fare” që i kanë thënë asaj të shkojë te kryetari i bashkisë së Kukësit, Safet Gjici, t’i zbërthejë atij pantallonat dhe t’ja marrë në gojë.

Ndërkohë, ka disa detaje dhe pyetje që lindin për këtë histori. Jo për faktin pse foli kaq vonë sepse kjo kuptohet që tashmë pasi është dënuar kërkon të mbajë nën shantazh dhe nën presion njerëzit e drejtësisë, por për arsye të tjera.

Së pari, në video dëgjohet qartë për çfarë flitet. Në video flitet për çështje qendër strehimi për qentë, të cilat në fakt nuk janë bërë vetëm në Kukës dhe duket se janë aktivitet i saj, totalisht privat.

Por pa e mbrojtur “Fiks”-in aspak.

E urdhëroi stafi i “Fiks”-it zonjushën që të shkonte dhe t’i zbërthente pantallonat Safet Gjicit? Apo e bëri vetë?

Akuzat/ Kush e pagoi dhe për kë u bë videoja e Alma Kaçit
Foto e shkëputur nga video-skandali

Së dyti, SPAK e ka hetuar dhe ka marrë në pyetje edhe pjesëtarë të stafit të “Fiks Fare” dhe rezulton se ajo video nuk është bërë për llogari të emisionit “Fiks Fare” dhe nuk është transmetuar në emisionin “Fiks Fare”.

Atëherë për kë shkoi? Kush e dërgoi Alma Kaçin te Safet Gjici?

Ka disa teori, nga Abedin Uruçi e të tjerë, por e vërteta është se zonjusha e ka dërguar videon te “Fiks Fare” një ditë para dhe më pas të nesërmen videoja është bërë virale. Ku e dërgoi tjetër? Pasi SPAK e hetoi. Kush e nxori videon? Kujt ia dha tjetër videon Alma Kaçi?

Në rast se e kishte bërë për “Fiks”-in duhet ta kishte dërguar vetëm te “Fiks”-i dhe burimi i daljes së videos do të ishte “Fiks Fare”. Emisioni investigativ nuk e transmetoi. Diku tjetër ishte dhënë, diku tjetër e kishte çuar këtë video, apo ia kishin regjistruar siç duket në videon e parë Alma Kaçi.

Ajo pretendon se është një gazetare investigative dhe kërkon të fshihet pas “Fiks”-it, por nga hetimet e bëra nga SPAK, nuk del që të ketë komunikime me stafin apo drejtuesit e emisionit ditën që është realizuar videoja, pa folur më pas që ka shkuar në Kukës me mjetin e saj privat dhe flet për punët e saj private.

“Fiks”-i, Stop etj, një emision investigativ, nuk i jep një gazetareje një kamera të fshehtë dhe të ecë vetë. Kur “Fiks”-i shkon për kamera të fshehta, për ata që punojnë atje apo ia njohin strukturën e dinë që ka shofer, ka staf mbështetës nga kamerat e fshehta që janë teknikë dhe gazetari nuk shkon vetëm.

Ajo ka qenë një bashkëpunëtore e jashtme e emisionit “Fiks Fare”, si dhjetëra të tjerë, të cilët përgatisin materiale, i dorëzojnë te “Fiks”-i dhe pasi ato vlerësohen, investigohen më tej, zbardhen dhe plotësohen me dokumentacione, atëherë futen në transmetim.

Këtë nuk e bën vetëm “Fiks”-i, të njejtën gjë bën edhe “Stop”-i dhe çdo emision tjetër investigativ që ka bashkëpunëtorë të jashtëm.

Zonjusha me qëndrimet e saj po ushtron një ndikim të paligjshëm ndaj drejtësisë dhe nga ana tjetër, po përpiqet që të fshehë të vërtetën duke i drejtuar akuzat ndaj “Fiks Fare”.

Akuzat/ Kush e pagoi dhe për kë u bë videoja e Alma Kaçit
Alma Kaçi në SPAK

Pyetja është thjeshtë: Në momentin që ka shkuar privatisht dhe e ka realizuar privatisht këtë video, pasi nuk ka shkuar me “Fiks”-in, ka shkuar me mjetin e saj, me Safet Gjicin flet për çështjet e saj personale, për të kryer aktivitet, për të marrë para për mbrojtjen e qenve e kështu me radhë, kush e çoi te Safet Gjici?

Kujt ia dha videon Alma Kaçi përveç stafit të emisionit “Fiks Fare”?

A është paguar nga ndonjë person tjetër?

Intervistat e dhëna për mediat tregojnë se është kontradiktore. Hetimet e kryera nga SPAK tregojnë se “Fiks”-i nuk ka lidhje, por është çuar një USB në këtë emision. Tani lindin pyetjet:

A ka pasur USB tjetër?

A i është dhënë dikujt tjetër ky material?

A ka qenë në dijeni Safet Gjici, i cili përdori dhe emra të caktuar në gjyqin ndaj tij?

Dhe pyetja përfundimtare është e kush janë bashkëpunëtorët apo urdhëruesit e Alma Kaçit?

“Fiks Fare” mund ta ketë pasur bashkëpunëtore. Ajo mund të ketë bërë shumë video. Shumë mund të transmetohen, shumë mund të mos transmetohen, por në rastin e Safet Gjicit ka një detaj.

Alma Kaçi materialet i ka dhënë edhe diku tjetër. Ka shkuar me mjetin e saj privat dhe deklaratat që jep në media i ka shumë kontradiktore. Ka vetëm një përgjigje për të gjitha këto pyetjet:

Kush e pagoi Alma Kaçin, apo për llogari të kujt e bëri kjo e fundit videon me Safet Gjicin?/ CNA





17:09 Editorial

ËSHTË KOHA E SPAK

Tani nga SPAK-u pritet vërtet më shumë. Ndërkombëtarët...

Lajmet e fundit nga