web counter
LEXO PA REKLAMA!

SHKARKO APP

App Store
Google Play

Reformë me enveristë dhe drejtësi me “vullnetarë” Enveri

23 Janar 2024, 12:56, Editorial Elvi FUNDO
Reformë me enveristë dhe drejtësi me
Fotomontazh - Fatmir Xhafaj, Enver Hoxha dhe Sokol Sadushi

CNA ka raportuar për lëvizjet e fundit të mazhorancës për të krijuar një komision “Ad-Hoc”, duke përdorur një ish-enverist apo “vullnetar” Enveri, siç është Fatmir Xhafaj.

Skemat dhe skenarët për të kontrolluar SPAK-un, me veprime duke krijuar komisione brenda Grupit Parlamentar apo më pas komisione “Ad-Hoc” në parlament, pasi opozitës i janë hequr komisionet hetimore parlamentare, tregojnë reminishencat e së shkruarës.

Këto lëvizje tregojnë se mentaliteti enverist vazhdon të ngelet dhe për këtë zgjidhet pikërisht një “bir i denjë” i asaj kohe për të kryer veprimin, pra për të kryer aktin.

Fatmir Xhafaj, enveristi që sillej si proamerikan

Reformë me enveristë dhe drejtësi me
Fatmir Xhafaj dhe Enver Hoxha

Kanë zgjedhur pikërisht Fatmir Xhafajn, të cilin ndërkombëtarët, amerikanët dhe evropianët e zgjodhën si njeriun që duhet të ishte në krye të reformës në drejtësi, këtu nuk ka asgjë të keqe.

Harruan se kush ishte Fatmir Xhafaj ndoshta, ose duke e ditur se e kishin njeriun e tyre “do ta përdornin për çfarë u duhej”.

Në fakt, tashmë edhe ndërkombëtarët janë të bindur se reforma e bërë nga Xhafaj ishte maksimalisht në interesat e PS-së për të goditur brenda drejtësisë duke krijuar komisione vetting-u të kapura politikisht, duke shkelur rregullat dhe parimet se personat, hartuesit, nuk do të futeshin në sistem, ndërkohë që tashmë janë në sistem dhe drejtojnë gjykata.

Standardi i dyfishtë i vetting-ut

Nga ana tjetër, ka standard të dyfishtë. Kanë ikur prokurorë, gjyqtarë apo gjyqtare për asgjë dhe janë mbajtur në detyrë dhe e kanë kaluar vetting-un milionerë të korruptuar të partisë. 

Janë në krye të drejtësisë persona që nuk kanë bërë vetting, të cilët kanë dalë nga dritarja dhe kanë hyrë nga dera dhe janë larguar me vetting ekspertë të mirëfilltë, të cilët nuk kishin shkelur ligjin, por me abuzime dhe thashetheme duke përdorur dy nivelet e komisionit të hetimit, të cilat janë kapur nga mazhoranca.

Katrahura me Reformën në drejtësi dhe sulmi ndaj SPAK-ut

Reformë me enveristë dhe drejtësi me
SPAK

Tashmë Fatmir Xhafaj, enveristi i parafundit, vazhdon të shihet si shpresë, këtë herë sërish kundër amerikanëve, ashtu si në rastin e Reformës në Drejtësi.

Për ata që mendonin se Xhafaj ishte një proamerikan me mbështetje ndërkombëtare, me Reformën në Drejtësi, e cila u bë një katrahurë, ku është kapur shumica e sistemit dhe ka pasur jo pak problematika që kanë bërë ndërkombëtarët të reagojnë nën zë, por publikisht jo, bëri një akt të parë dhe tashmë do të bëjë të dytin.

Akti i dytë është sulmi ndaj SPAK-ut, struktura apo segmente të saj, të cilat janë jashtë kontrollit të mazhorancës.

Sokol Sadushi, rezultati i reformës së Xhafajt

Vrap pas Xhafajt doli edhe Sokol Sadushi, njeriu që shkëlqen në Gjykatën e Lartë.

Mes deputetësh, prefektësh, kryetarë bashkish, me shallin e komunistit në qafë, gjoja në emër të luftës, megjithëse ai shall nuk ka asnjë lidhje me luftën antifashiste demonstroi me vulgaritet simbolet e komunizmit.

Reformë me enveristë dhe drejtësi me

Ashtu sikurse Xhafaj me foton në krah të Enverit nuk ka ndonjë ndryshim Sadushi me shallin e tij të kuq.

Duken të dy enveristë në konceptet e tyre, të qartë, me një mesazh fyes, përçmues, ndaj 20 mijë familjeve të persekutuara, ndaj 5 mijë të vrarëve, ndaj dhjetëra mijëra të tjerëve të internuar dhe burgosur.

Produkti i enveristit Fatmir Xhafaj, i të gjithë atyre që renditëm më sipër, është Sokol Sadushi në krye të Gjykatës së Lartë apo të tjerë skandalozë të jetës publike që dhunojnë me vetëdije dinjitetin e shqiptarëve, të shkuarën e dhunshme dhe kriminale të diktaturës e sjellin me veprimet e tyre publike, me krenari dhe ekspozohen dhunshëm, si në rastin e Reformës në Drejtësi apo komisioneve dhe daljeve në foto me shall në qafë.

Këta janë enveristët e Reformës në Drejtësi që ka sjellë si rezultat Sokol Sadushin e përgatitur nga Fatmir Xhafaj./ CNA





Lajmet e fundit nga