web counter
LEXO PA REKLAMA!

SHKARKO APP

App Store
Google Play

Ramisti i parë dhe SPAK-isti i fundit

30 Janar 2024, 10:56, Editorial Elvi FUNDO
Ramisti i parë dhe SPAK-isti i fundit
Andi Bushati dhe Edi Rama

Një nga analistët e majtë, Andi Bushati, i njohur më shumë si një individ për konceptet e tij revolucionare marksiste-leniniste dhe si Ramist i paepur (dje), në një dalje të tij të publike së fundmi në studion e gazetarit Çim Peka, ka artikuluar termin Ramist dhe SPAK-ist.

Nëpërmjet një fraze, Andi Bushati ka theksuar: “Kush ka qenë Ramist në 2013, është SPAK-ist sot”. Se nuk flet dot për korrupsionin e qeverisë dhe ka gjetur zgjidhje SPAK.

Por le të shikojmë disa fakte, jo më shpresën se Andi Bushati nuk ka qenë Ramist apo Ramizist, por me të vetmin fakt që së shpejti Bushatin do ta shohim SPAK-ist.

Në 2013, Andi Bushati ka qenë një nga ramistët kryesorë dhe jo vetëm, më përpara i kishte këto gjurmë si një mbështetës klasik i Partisë Socialiste, mbështetës i Edi Ramës, trumbetues i tij dhe së fundmi, pasi e kuptoi me vonesë, por reflektoi.

Është bërë dhe ai kundër Ramës për mënyrën se si qeveris ai, për mënyrën si e ka kapur pushtetin se Andi Bushatit nuk i mjaftonte si kishte qeverisur 11 vite Bashkinë e Tiranës Edi Rama, për ta kuptuar si do të sillej si kryeministër. Do të duhet ta vuanin shqiptarët në kurriz dhe më pas Bushati të ndërronte mendim.

Ramisti i parë dhe SPAK-isti i fundit
Edi Rama dhe Andi Bushati

Pra, duhet ta provonin korrupsionin, PPP-të, inceneratorët, McGonigal-ët dhe pastaj t’i mbushej mendja Bushatit. Por, shqiptarët, ndërkohë, morën arratinë dhe u varfëruan edhe më shumë. (lexo këtu)

Andi Bushati flet për Ramistët e 2013, është i tillë dhe vazhdon të jetë ende sot një marksist në koncepte, pavarësisht se bën sikur është me Berishën, apo do të ruajë rolin e opozitarit të përjetshëm, i cili është pozicioni më i thjeshtë, të shash dhe vetëm të shash.

Problemi është si i sjell argumentet kundër, si u bashkohesh kauzave opozitare dhe krijon të gjitha përpjekjet në mbrojtje të votës, të vlerave të demokracisë dhe largimin e personit që është në pushtet, i cili qenka problem i madh, megjithëse ai e ka pasur idhull dikur dhe idhulli i Andi Bushatit ka qenë Edi Rama.

Ramisti i parë dhe SPAK-isti i fundit
Andi Bushati

Rama dhe SPAK-u

Ka shumë njerëz që janë me SPAK-un dhe saktësisht me disa nga individët që janë në SPAK sepse Bushati, Çim Peka e të tjera besojnë se SPAK-u është i zënë. Ka disa nga ata që mendojnë se SPAK-u nuk është i zënë, ka dhe si ne që mendojnë se SPAK-u nuk është i zënë totalisht, por ka një influencë të madhe ndërkombëtare dhe ka bërë një punë mbi mesataren dhe të vlerësueshme.(lexo këtu)

Bushati kërkon faktet, le t’ia japim një nga një.

Saimir Tahiri u burgos, zëvendëskryeministri Arben Ahmetaj është në arrati, krahu i djathtë i Edi Ramës.

Një nga miqtë dhe bashkëpunëtorët më të ngushtë, Vangjush Dako, është pas hekurave, kryetari i Bashkisë Lushnjë, Fatos Tushe, pas hekurave, kryetari i Bashkisë së Bulqizës pas hekurave, ish-ministri Lefter Koka pas hekurave, ish-deputeti Alqi Bllako pas hekurave, ministrja Olta Xhaçka nën hetim, Ilir Beqja detyrim me paraqitje. Ka dhjetëra hetime të tjera që shkojnë te kryebashkiaku Veliaj, te Sekretari i Përgjithshëm i Kryeministrisë, Engjëll Agaçi, tek ish-ministri Damian Gjiknuri dhe ministra të tjerë të qeverisë.(lexoni këtu)

Suksese apo dështim, lojë e dirigjuar apo jo janë zyrtarë të hetuar disa të ndëshkuar. Nga opozita Kryemadhi dhe Meta janë nën hetim. 

Historia e Gërdecit ku është akuzuar Fatmir Mediu. Nga ana tjetër mazhoranca po kërkon hetimin e 21 Janarit, hetim për të dënuar Sali Berishën, i cili ndodhet në arrest shtëpie, hetim të cilin për 21 janarin dhe ndëshkimin e ka kërkuar dhe vetë Andi Bushati.

Tani ka një histori politike, histori kontrolli mbi SPAK-un. Ka rezultate, ka veprime. Dikush, ato që përmendëm më sipër i vlerëson, dikush ato që po kryhen i kundërshton, por është një fakt: “Atë që s’bën dot opozita apo opozitarizmi nuk mund t’ia drejtosh gishtin SPAK-ut dhe t’i thuash o me ne, o kundër nesh”.(lexo këtu)

Meqë Bushati dhe disa të tjerë duan që Rama të rrëzohet dhe duke e parë që opozita kërkojnë që ta bëjë SPAK-un duke arrestuar Ramën, se Bushati me e sollën në pushtet dhe ne tani duam që ai të ikë! 

E në rast se vlera e SPAK-ut, puna e tij me ato që thamë është e pamjaftueshme, presin shumë që për inceneratorët të ndëshkohet Engjëll Agaçi, të ndëshkohet Damian Gjiknuri, të ndëshkohet Erion Veliaj dhe deri te kryeministri.

Guri i provës për SPAK-un, sipas Berishës është Veliaj dhe inceneratori.

Në rast se mund të arrestohet Veliaj, pasi drejtorët e tij kanë rënë "dëshmorë" rrugës atëherë SPAK-u do të ishte i mirë? A do bënte kjo Andi Bushatin, Ramist-SPAK-ist sërish?

Nga ana tjetër SPAK-u po sulmohet nga opozita dhe quhet dhe Ramiste. Fakti është Ramistët e vërtetë janë ata që sollën Edi Ramën në pushtet.

Ramisti i parë dhe SPAK-isti i fundit
Edi Rama

SPAK ka probleme, por nuk është SPAK-u problemi.

Problemi janë ish-ramistët, opozita e coptuar dhe pashpresë dhe të gjithë bashkë në pamundësi që ta rrëzojnë Ramën, pasi janë të paaftë, presin nga SPAK ta arrestojë.

Shpresohet se me SPAK-un një palë duhet të vijë në pushtet. Kjo nuk duhet në asnjë rast dhe asnjëherë. Ky do të ishte precedent i rrezikshëm.

Në rast se SPAK-u do të përgatiste terrenin që dikush të vinte në pushtet, atëherë do të ishim te Republika e Prokurorëve që nuk e do Bushati, por që në fakt tjetër shkruan, tjetër thotë e tjetër do./CNA 

 





17:09 Editorial

ËSHTË KOHA E SPAK

Tani nga SPAK-u pritet vërtet më shumë. Ndërkombëtarët...

Lajmet e fundit nga