web counter
LEXO PA REKLAMA!

SHKARKO APP

App Store
Google Play

E fundit!

x

Rama, i frikësuar: Mund të mbetemi pa fuqi punëtore

30 Janar 2024, 12:04, Aktualitet CNA

Kryeministri Edi Rama u frikësohet ofertave të vendeve të Evropës për të tërhequr sa më shumë fuqinë punëtore.

Këtë frikë ai e ka shpalosur sot në Programin e Zhvillimit Profesional të Mësuesve, ku u shpreh se ka filluar një luftë e egër për kapitalin njerëzor.  

Kreu i qeverisë tha se në një të ardhme jo shumë të largët mund të gjendemi në një situatë të pamundur duke iu referuar largimit të punonjësve në vendet e tjera të Evropës.

“Do bëjmë të pamundurën që në këtë fazë të rrisim mbështetjen e gjithanshme për shkollën dhe mësuesin.

Ka filluar një luftë shumë e egër për kapitalin njerëzor.

Edhe vendet më të zhvilluara po përballen me fenomenin e pandalshëm të plakjes dhe që janë në krye të trenit të Evropës janë investuar dhe po investohen për të marrë kapitalin nga të tjerët ku të munden dhe sa të munden pa mëshirë, pa asnjë mëshirë. Fuqia tërheqëse e tyre për kapitalin tonë njerëzor mbetet sfiduese për ne.

Oferta e tyre është më e fortë se jona, por ne nuk mundemi dot të mos reagojmë në mënyrë racionale për ta fuqizuar cilësinë e kapitalit tonë njerëzor.

Në një kohë jo shumë të largët mund të gjendemi përpara një situate të pamundur”, tha Rama./ CNA





Lajmet e fundit nga