web counter
LEXO PA REKLAMA!

SHKARKO APP

App Store
Google Play

E fundit!

x

KPA shkarkon kunatën e Mirel Mërtirit

29 Janar 2024, 21:02, Aktualitet CNA

KPA shkarkon kunatën e Mirel Mërtirit

Kolegji i Posaçëm i Apelimit ka shkarkuar prokuroren Mariola Mërtiri, kunatën e “trurit” të inceneratorëve Mirel Mërtirit.

KPA ka vënë në dukje disa problem në tre kritere, të cilat e çuan trupën gjykuese të merrte vendimin për shkarkimin e saj pasi nuk ishte e përshtatshme që ajo të vijonte detyrën.

Trupa gjykuese, e kryesuar nga Ina Rama, me anëtar Rezarta Schuetz, Sokol Çomo, Albana Shtylla dhe Mimoza Tasi arsyetoi se Mërtiri kishte mungesë burimesh të ligjshme në kriterin e pasurisë dhe se ishte në shkelje të legjislacionit sa i përket përfitimit të një apartamenti me kredi të butë.

Ata kanë kondsieruar shkelje shitjen e apartamentit dhe faktin që nuk ishin deklaruar aksionet e bashkëshortit  të saj në një kompani.

Po ashtu sipas trupës gjykuese, prokurorja Mariola Mërtiri ka probleme dhe sa i përket kriterit të figurës.

Sipas KPA mosdeklarimi në formular i marrëdhënies me një person të dënuar tek i cili ishte blerë apartamenti, përbënte shkelje. Fakti që prokurorja kishte dhënë dorëheqjen nga një çështje me këtë person, e bënte jo bindëse arsyet pse ajo nuk e kishte deklaruar këtë marrëdhënie.

Sipas reporter.al, KPA konsideron problematikë, marrëdhënien mes Mërtirit e bashkëshortit të saj, me vëllain e këtij të fundit dhe kunatën, Mirel Mërtirin dhe Stela Gugalljan, të cilët janë të dënuar për aferë e shekullit atë të inceneratorëve. 

Kolegji arsyetoi se fakti që marrëdhëniet financiare kishin vijuar edhe pas marrjes së këtyre personave si të pandehur ishte në mospërputhje me qëllimin e procesit të rivlerësimit për rikthimin e besimit të publikut te drejtësia.

KPA gjeti probleme edhe në çështjet e hetuara nga prokurorja dhe vlerësoi në tërësi se ajo “cënonte besimin e publikut te drejtësia"./ CNA





Lajmet e fundit nga