web counter
LEXO PA REKLAMA!

SHKARKO APP

App Store
Google Play

“Erdhe rrugaç?”/ Martin Leka kujton burgun me Fatos Nanon dhe Ramiz Alinë

29 Janar 2024, 12:29, Aktualitet CNA
“Erdhe rrugaç?”/ Martin Leka kujton burgun me Fatos Nanon dhe
Martin Leka

Gazetari Martin Leka ka rrëfyer në një intervistë televizive detaje nga jeta e tij, që nga fëmijëria, familja dhe karriera. Rrëfimi i tij fillon nga fshatrat e Lezhës, te vitet e demokracisë, sulmi ndaj gazetës “Koha Jonë” dhe deri te burgosja ku ndante qelinë me Fatos Nanon.

Sa i përket burgosjes, ai është shprehur se është takuar në burg edhe me Fatos Nanon, ku ky i fundit, sapo e ka parë është shprehur me të qeshur "Erdhe rrugaç?". Ai tregon më tej edhe bisedën me Ramiz Alinë. 

"Në burg me ndërruan 3 herë qelinë. Dy ditët e para ndenja me Hajredin Celikun dhe Llambi Gegëpriftin. Pas dy ditësh bie dera dhe me thotë 'erdhe rrugaç?'. Edhe iku. Ishte Fatos Nano. Isha në zonën ku ishte Fatosi, Nexhmija dhe Ramizi. Dy net i bëra me ata. Pastaj bie dera. Ishte Ramiz Alia. Më tha: 'Erdhe të ma bëje intervistën këtu?' Po, i thashë. Para se të arrestohej, isha tek ai për t'i bërë intervistë, por më tha ‘do ta bëjmë më vonë’", tregon Leka. 

Ndër të tjera, gazetari tregon edhe detaje për burgosjen e tij, që ka ndodhur vite më parë. Ai shprehet se para se të burgosej ka zhvilluar një bisedë edhe me Dritëro Agollin, ky i fundit e ka pyetur nëse do të dorëzohej apo jo.  

"Burgosja më duket se ka ndodhur dje. Unë dhe Frangaj jemi burgosur si drejtues të 'Koha Jonë'. Në 21 janar para 30 vitesh botova një shkrim në 'Koha Jonë' që bashkë me faksimilen e ministrit të Brendshëm të asaj kohe urdhëronte heqjen e armatimit personal të oficerëve. Në këtë shkrim thuhej se çdo oficer sot peshon 2 kg më pak. Unë isha në Gjadër, kishte ndodhur një vrasje dhe ma tregonte një oficer që kishte qenë i pranishëm në lokalin ku kish ndodhur vrasja. Dikush i tha 'po ti që ishe këtu pse nuk ndërhyre me një të shtënë në ajër?' Ai tha na i kanë hequr armët. Këtu ma kapi veshi dhe gjeta faksimilen. Ditën që do arrestohesha takova Dritëro Agollin dhe më pyeti 'çfarë do bësh?', do shkoj i thashë, do dorëzohem, 'mirë', më tha", u shpreh ai./CNA 

 

 





Lajmet e fundit nga