web counter
LEXO PA REKLAMA!

SHKARKO APP

App Store
Google Play

Shkarkimi i Presidentes së Urdhrit të Psikologut/ Ironia therëse e Këlliçit për Lul Bashën

28 Janar 2024, 11:27, Aktualitet CNA

Shkarkimi i Presidentes së Urdhrit të Psikologut/ Ironia therëse

Anëtari i Kryesisë së PD-së, Belind Këlliçi, ka reaguar pas shkarkimit nga kolegët e saj të Presidentes së Urdhrit të Psikologut, Valbona Treska.

Këlliçi, në reagimin e tij, shkruan se Treska gjeti kohën për qoka politike në fushatë elektorale, por la pas dore administrimin e urdhrit.

“Pas traumës emocionale që pësoi nga posteri im elektoral kundër korrupsionit, mësohet se presidentja e Urdhrit të Psikologut ka pësuar dje një tjetër tronditje të fortë.

Është shkarkuar njëzëri nga kolegët e saj. Janë 20 pika ku kolegët adresojnë të gjithë keqadministrimin e urdhrit. E shkarkuara gjeti kohën për qoka politike në fushatë elektorale, por la pas dore administrimin e urdhrit.

Uroj që stresi post-traumatik të kalojë lehtë dhe nën kujdesin e profesionistëve!", shkruan Këlliçi.

Ndër të tjera, ka ironizuar Lulzim Bashën referuar rastit të shkarkimit të Treskës.

Ai thotë se një tjetër i shkarkuar endet nëpër Tiranë duke thënë se është kryetar dhe do të bëhet kryeministër, duke iu referuar Bashës.

“Kjo ngjarje e djeshme në Urdhrin e Psikologut, më sjell në vemendje një rast analog. Një tjetër i shkarkuar endet nëpër Tiranë, e u thotë njerëzve jam kryetar e do bëhem kryeministër…", e mbyll reagimin e tij Këlliçi./ CNA





Lajmet e fundit nga