web counter
LEXO PA REKLAMA!

SHKARKO APP

App Store
Google Play

E fundit!

x

Inceneratori i Tiranës/ Apeli i GJKKO-së rikthen në qeli Pëllumb Abeshin

27 Janar 2024, 12:24, Aktualitet CNA
Inceneratori i Tiranës/ Apeli i GJKKO-së rikthen në qeli
Pëllumb Abeshi

Apeli i Gjykatës së Posaçme ka pranuar ankimin e SPAK pas hetimeve për inceneratorin e Tiranës, duke rikthyer në qeli ish-zyrtarin e Ministrisë së Mjedisit, Pëllumb Abeshin. 

Më 9 dhjetor të vitit të kaluar, Gjykata e Posaçme dha masën "arrest shtëpie" për Abeshin për inceneratorin e Tiranës.

Ndërkohë është lënë e pandryshuar masa e sigurisë për 7 ish-zyrtarët mes tyre ish-ministrin Lefter Koka.

Akuzat për dy inceneratorët e tjerë:

Më 10 janar të vitit të kaluar, Gjykata e Posaçme liroi nga burgu ish-zyrtarin e Ministrisë së Mjedisit, Pëllumb Abeshin, i arrestuar për aferën me inceneratorin e Elbasanit. Pëllumb Abeshi u shpall fajtor nga GJKKO dhe u dënua me 2.8 vite burg më 5 tetor të 2023 për inceneratorin e Elbasanit.

Ndërkohë për inceneratorin e Fierit,  më 25 shtator të 2023, gjykata dënoi ish-drejtorin e ministrisë së Mjedisit me 3 vite e 6 muaj burg, por me gjyq të shkurtuar përfitoi zbritjen në 2 vite e 4 muaj burg, të cilat në fund u konvertuan në shërbim prove.

Vendimi: 

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Dhimitër Lara, sot më 27.01.2024, shpalli vendimin mbi çështjen penale nr. 5 akti, datë 19.01.2024 regjistrimi, mbi ankimin e Prokurorisë së Posaçme kundër Korrupsionit dhe Krimit të Organizuar, si dhe ankimet e personave nën hetim A.Th., B.K., L.K., N.S., S.K., S.T., T.T., P.A., me objekt: “Ankim ndaj vendimit nr. 134, datë 07.12.2023, vazhduar me vendimin nr. 136, datë 11.12.2023 të Gjykatës së Posaçme të Shkallës së Parë për Korrupsionin dhe Krimin e Organizuar” që ka disponuar në lëndë të masave të sigurimit personal, dhe vendosi:

1.Ndryshimin e vendimit nr. 134 datë 07/12/2023 dhe nr. 136 date 11/12/2023
të Gjykates se Posasme te shkalles se Pare per korrupsionin de krimin e organizuar duke:
-Caktuar masën se sigurimi personal shtrengues ‘arrest ne burg’ sipas neni 238
te Kodit te Procedures Penale, ndaj te hetuarit z.P.A., i biri z. H. dhe znj.F., lindur me {…}, ne {…} dhe banues ne {…}.
2. Miratimin e vendimit nr. 134 date 07/12/2023 dhe nr. 136 date 11/12/2023 te Gjykates se Posame te Shkalles se Pare per korrupsionin dhe krimin e organizuar per te hetuarit z. L.K., z.T.T, z. N.S., z. B.K., znj.S.T., znj.A.Th., znj.S.K./CNA 

 

 





Lajmet e fundit nga