web counter
LEXO PA REKLAMA!

SHKARKO APP

App Store
Google Play

E fundit!

x

Ardit Gjoklaj dhe afera e inceneratorit të Tiranës “zbresin” në protestë

13 Janar 2024, 18:43, Aktualitet CNA

Ardit Gjoklaj dhe afera e inceneratorit të Tiranës

Afera në inceneratorin e Tiranës dhe Ardit Gjoklaj, 17-vjeçari që u gjet i pajetë në 2016-ën në sheshin e grumbullimit të mbeturinave në landfillin e Sharrës, u përmendën në protestën që po zhvillohet pranë shtëpisë së ish-kryeministrit Sali Berisha.

Anëtari i Kryesisë së PD-së, Belind Këlliçi tha se personi përgjegjës për humbjen e jetës së Ardit Gjoklajt është kryebashkiaku i Tiranës, Erion Veliaj.

Sipas tij, afera në inceneratorin e Tiranës lidhet me të miturin, pasi pretendoi se Veliaj përdori humbjen e Gjoklajt për të bërë skemën e aferës.

“Gjithçka lidhet me Ardit Gjoklajn. Në muajin korrik të vitit 2016, pak pasi kishte humbur jetën Ardit Gjoklaj në landfillin e Sharrës, personi përgjegjës për humbjen e jetës së tij, Erion Veliaj doli për herë të parë në një konferencë shtypi dhe tha se për shkak se kishte humbur jetën një i mitur në atë zonë, do të vinte në Shqipëri një kompani e madhe holandeze që do të sillte ekspertizë të mrekullueshme për të investuar në landfillin e Sharrës, për të punësuar me mijëra qytetarë nga Tirana dhe për të pastruar Tiranën.

Përdori vdekjen dhe humbjen e jetës së një të mituri që punonte në të zezë për të blerë librat e shkollës për të krijuar skemën korruptive më të madhe që ka parë ndonjëherë shteti shqiptar, inceneratorin fantazmë të Tiranës. Sot, pothuajse 8 vite më pas kjo çështje është mbyllur falë një fotografie flagrante të Eron Veliajt me prokurorin e çështjes”, theksoi ai./ CNA





Lajmet e fundit nga