web counter
LEXO PA REKLAMA!

SHKARKO APP

App Store
Google Play

Kryeministri i parë shqiptar i RMV-së/ Talat Xhaferi zgjidhet me 65 vota pro dhe 3 kundër

28 Janar 2024, 14:07, Aktualitet CNA

Kryeministri i parë shqiptar i RMV-së/ Talat Xhaferi zgjidhet me 65

Në Kuvendin e Maqedonisë së Veriut është votuar për qeverinë e re teknike që do të drejtojë vendin deri në 8 maj.

Talat Xhaferi është zgjedhur kryeministër me 65 vota pro dhe 3 kundër.

Po ashtu janë betuar dhe ministrat e kabinetit të Talat Xhaferit. Gjatë fjalimit të tij në Kuvend, Xhaferi tha se: Nuk do të lejojë të devijojmë, nga rruga dhe nga prioritetet e dakorduara me partnerët e koalicionit”.

Po ashjtu përmendi rrugën për integrimin në Bashkimin Europian. Ai tha se prioriteti kryesor do të jetë përgatitja e organizimit të zgjedhjeve të lira dhe demokratike.

“Do të zbatojmë proceset e nisura për rrumbullakësimin e legjislacionit vendor në lidhje me proceset institucionale të partnerit tonë strategjik Shteteve të Bashkuara të Amerikës për përcaktimin dhe sanksionimin e personave të lidhur me krimin dhe korrupsionin.

Qeverinë do ta udhëheq me përgjegjësi, duke përmbushur detyrimet dhe pritshmëritë e qytetarëve dhe partnerëve të koalicionit. Edhe pse është qeveri kalimtare që do të organizojë zgjedhjet, për mua një ditë apo 100 janë të njejta, dhe dua të ju sigurojë që përgjegjësia dhe institucionalizmi në udhëheqje do të jetë detyra ime.

Unë do të vazhdojë programin e qeverisë së kaluar duke realizuar prioritetet e qytetarëve dhe të qeverisë. Për të ecur drejt rrugës së BE-së ne do të bëjmë hapat e duhura dhe të sigurta që i takon një shteti serioz.

Qeveria ime do të jetë krah dhe zë i qytetarëve. Puna e qeverisë sime do të kalojë edhe nëpërmjet sfidave që do të sigurojnë zbatimin dhe respektimin e ligjeve dhe Kushtetuese.

Bashkëpunimi me institucionet ndërkombëtare për zgjedhjet dhe zhvillimin e vendit, do të jetë obligim i imi. Bashkëpunimi me BE-në, NATO-n dhe SHBA-të do të jetë gjithashtu prioritet për mua dhe qeverinë time”, tha ai./ CNA





Lajmet e fundit nga