web counter
LEXO PA REKLAMA!

SHKARKO APP

App Store
Google Play

E fundit!

x

Betimi i Talat Xhaferit/ Blendi Fevziu në Shkup: Ditë e rëndësishme për shqiptarët

28 Janar 2024, 12:12, Aktualitet CNA
Betimi i Talat Xhaferit/ Blendi Fevziu në Shkup: Ditë e
Talat Xhaferi

Kuvendi i Maqedonisë së Veriut do të zgjedhë sot qeverinë teknike me kryeministër të mandatuar, Talat Xhaferin.

Teksa pritet të bëhet betimi i tij në seancën e sotme në Kuvend, gazetari Blendi Fevziu ka udhëtuar drejt Shkupit, ku ka takuar dhe kryeministrin e parë shqiptar në RMV, Talat Xhaferin.

Nga takimi Blendi Fevziu tregon dhe detajin në kravatën e kryeministrit Xhaferi ku shkruhet kryeministri shqiptar 28.01.2024.

Pranë kryeministrit qëndron edhe stafi i tij.

Fevziu shprehet se sot është një ditë shumë e rëndësishme për shqiptarë pasi për herë të parë kemi një kryeministër shqiptar në Maqedoninë e Veriut.

 
 
 
 
 
View this post on Instagram
 
 
 
 
 
 
 
 
 
 
 

A post shared by Blendi Fevziu (@blendifevziu)

Talat Xhaferi si kryeministër i mandatuar i ka dorëzuar në Kuvend emrat e kabinetit me të cilin do të udhëheqë, përfshirë edhe programin qeverisës.

Zëvendëskryeministri i parë në Qeverinë e Maqedonisë së Veriut, Artan Grubi, nëpërmjet një postimi në "Facebook", ka zbuluar emrat të cilët do të jenë pjesë e kabinetit të kryeministrit të parë shqiptar.

Emrat e propozuar nga BDI-ja për kabinetin qeveritar teknik janë Artan Grubi - ministër për Sistemin politik dhe marrëdhënie ndërmjet bashkësive, Bujar Osmani - ministër i Punëve të Jashtme, Fatmir Besimi - ministër i Financave, Jeton Sheqiri - ministër i Arsimit dhe Shkencës.

Ndërsa zëvendësministër i Arsimit është propozuar Agim Nuhiu, zëvendësministër i Transportit dhe Lidhjeve Bekim Rexhepi dhe zëvendësministër i Punëve të Brendshme, Nazim Bushi./ CNA





Lajmet e fundit nga