web counter
LEXO PA REKLAMA!

SHKARKO APP

App Store
Google Play

Apeli i GJKKO-së rrëzon Belerin, nuk i jepet leje për betim

29 Janar 2024, 10:40, Aktualitet CNA
Apeli i GJKKO-së rrëzon Belerin, nuk i jepet leje për betim
Fredi Beleri

Të hënën, Apeli i Gjykatës së Posaçme ka rrëzuar kërkesën e kryebashkiakut të zgjedhur të Himarës, Fredi Beleri, për leje për t’u betuar. 

Në lidhje me këtë vendim, avokati i Fredi Belerit, Geni Gjyzari, u shpreh se hapi i radhës është rekursi në Gjykatën e lartë.

“Po bëhen shkelje antikushtetuese. Po dhunon të drejtën e zgjedhjeve. Ligji është i qartë, duhet bërë betimi dhe kjo nuk u bë. Ne do bëjmë rekurs në Gjykatën e Lartë. Është një element me frymë fashiste. Arsyetimi nuk na u dha. Që herën e kaluar gjyqtarja na paralajmëroi në fakt, gati e tha vendimin, ndaj bëmë kërkesën për ta përjashtuar”, u shpreh avokati i Belerit.

Beleri, kryebashkiaku i zgjedhur i Himarës, akuzohet për blerje votash në zgjedhjet e 14 majit të vitit të kaluar. Në Gjykatën e Posaçme ai ka ankimuar edhe vendimin për masën "arrest me burg", por dhe kjo është refuzuar nga trupa gjykuese. 

Çështja "Beleri" ka sjellë edhe reagimin e Athinës zyrtare, e cila bën thirrje për lirim. Ndërkohë kryeministri Edi Rama është shprehur se kjo është një çështje që i takon drejtësisë./CNA

 





Lajmet e fundit nga