web counter
LEXO PA REKLAMA!

SHKARKO APP

App Store
Google Play

E fundit!

x

Opozitë e goditur nga SPAK-u

26 Janar 2024, 14:28, Politikë CNA
Opozitë e goditur nga SPAK-u
Monika Kryemadhi, Ilir Meta dhe Sali Berisha

Kreu i SPAK-ut, Altin Dumani, ka folur dje nga Shkodra, duke përdorur një gjuhë pak më ndryshe nga daljet e tij të tjera publike.

Kreu i SPAK-ut ka thënë se ka prokurorë që “flirtojnë” me pushtetin apo nga ana tjetër ecjen e mëtejshme të hetimeve për dosjen “McGonigal” dhe se do të thirret çdo njeri i përfshirë.

Altin Dumani është përballë asaj që ai vetë e ka quajtur pavarësi kushtetuese të institucionit që drejton dhe pritshmëritë e opinionit publik janë të mëdha. Janë të mëdha për shkak të mbështetjes që vjen nga BE-ja dhe SHBA-ja dhe kjo u pa qartazi disa ditë më parë në një deklaratë të mbajtur nga ambasadorët e 27 vendeve të BE-së.

Por publiku ka filluar të ndahet për shkak të betejave politike, qëndrimeve të opozitës, sulmeve të Edi Ramës që nuk priste më, akuzave të Sali Berishës për prokurorët e SPAK-ut e kështu me radhë.

Në fakt, mund të ketë një rënie të besueshmërisë në opinionin publik, por shumica mbështesin SPAK-un dhe në këtë rast publiku është si në “Big Brother”, vëzhgon e vëzhgon e vëzhgon, duke pritur të ketë drejtësi në Shqipëri.

Mjafton të marrin një analizë se çfarë ka ndodhur deri më sot.

Në gati një vit me ardhjen e Dumanit kishte shumë dosje, të cilat flinin gjumë. Flinin sepse ish-kreu i SPAK-ut, Arben Kraja, kishte lidhje të qarta me pushtetin dhe kjo u tregua me fakte dhe dokumente nga CNA, ashtu siç është thënë për shumë prokurorë të tjerë.

Nga ana tjetër, për Altin Dumanin askush deri më sot nuk ka ngritur një akuzë korrupsioni, askush nuk ka gjetur një fakt dhe askush nuk ka treguar një lidhje me pushtetin, përkundrazi është artikuluar gjithmonë fraza, njeri me integritet dhe prokuror i drejtë.

Përballë apo në krah ka edhe prokurorë që “flirtojnë” me pushtetin, apo më keq akoma prokurorë që “flirtojnë” me krimin, me çështje vrasjesh në SPAK që u dërguan në Shkodër, apo individë që kanë marrë nën hetim ministra dhe nuk ngrenë as akuza.

Deri më sot, në një vit SPAK-u ngjarjet më të mëdha ka izolimin e Sali Berishës, arrestimin e Jamarbër Malltezit, hetimin e Ilir Metës dhe Monika Kryemadhit, marrjen nën akuzë të Fatmir Mediut.

Nga ana tjetër standardin Dumani në lidhje me Arben Ahmetajn, ky i fundit i goditur nga Prokuroria e Posaçme një vit pasi ishte larguar nga detyra dhe Ilir Beqajn, që paraqitet, apo hetimet e Olta Xhaçkës që janë bërë tërkuzë.

Të gjitha këto flasin vetë, flasin për atë “Big Brother”-in dhe mbështetjen publike që ka SPAK-u, tani priten veprat./CNA 

 





Lajmet e fundit nga