E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Lënia në fuqi e masës për Berishën/ PD: Irena Gjoka ka shkelur Kushtetutën

25 Janar 2024, 14:30, Politikë CNA

Lënia në fuqi e masës për Berishën/ PD: Irena Gjoka ka

Floriana Garo

Partia Demokratike ka reaguar për vendimit e Apelit të GJKKO-së, i cili la në fuqi vendimin për ish-kryeministrin Sali Berisha, "arrest shtëpie" për çështjen e privatizimin të ish-kompleksit "Partizani".

Zëdhënësja e PD-së, Floriana Garo, u shpreh se gjyqtarja Irena Gjoka ka shkelur Kushtetuten, sepse ka vendosur masa që nuk mund t’i vendoste kurrë pa miratimin e Parlamentit.

"Dumani, Kraja, Millonai kanë shkelur Kushtetutën dhe Konventën evropiane të të Drejtave të Njeriut, duke kërkuar me urdhër politik, pa asnjë bazë ligjore, heqje lirie për deputetin Sali Berisha, pa kaluar më parë nga Kuvendi", u shpreh Garo.

Reagimi i plotë:

Vendimi i gjykatës së Apelit, duke lënë në fuqi shkeljen e Kushtetutës dhe konfliktin e interesit të gjyqtares Irena Gjoka, është një rekord tjetër i zi i sistemit të drejtësisë.

Dumani, Kraja, Millonai kanë shkelur Kushtetutën dhe Konventën europiane të të Drejtave të Njeriut, duke kërkuar me urdhër politik, pa asnjë bazë ligjore heqje lirie për deputetin Sali Berisha, pa kaluar më parë nga Kuvendi.

Irena Gjoka ka shkelur Kushtetuten, sepse ka vendosur masa që nuk mund t’i vendoste kurrë pa miratimin e Parlamentit.

Ajo është në shkelje të ligjit të konfliktit të interesit pasi Sali Berisha e ka shkarkuar nga detyra në vitin 1996, në kohën kur ishte president i Republikës dhe kryetar i KLD.

Shpërfillja flagrante e këtyre shkeljeve, i tregon Partisë Demokratike dhe publikut se, pas vendimeve të drejtësisë qëndrojnë përpjekjet e Edi Ramës kundër opozitës dhe Sali Berishës, kryetarit legjitim të saj.

Partia Demokratike e kundërshton këtë vendim si të pabazuar në ligj, të pambështetur në fakte, të larguar nga drejtësia, nje porosi e mirefillte politike.

Partia Demokratike denoncon kepërdorimin e gjyqtarëve si Gjoka dhe Olldashi dhe SPAK-ut nga Edi Rama, në luftë kundër opozitës dhe pluralizmit politik në Shqipëri.

Cdo pasojë, cdo dalje nga kornizat e paqes sociale, cdo hap që opozita do të hedhë, vjen pasi ajo është e detyruar dhe i duhet të bëjë detyrën publike që ia kanë ngarkuar mbi 600 mijë shqiptarë në zgjedhjet e fundit.

Atë që populli opozitar nuk e merr në parlament dhe në gjykata, dhe që i takon me ligj dhe moral, do ta gjejë kudo qoftë.

Aksioni opozitar do të kërkojë rrugë të tjera përvec manifestimeve te Rruga e shpresës.

Ne nuk lejojmë që opozitës t’i mbyllen të gjitha rrugët dhe e vetmja rrugë të jetë Edi Rama ose largimi nga Shqipëria.
O sot o kurrë!/CNA