web counter
LEXO PA REKLAMA!

SHKARKO APP

App Store
Google Play

Sokol Sadushi, me shallin e kuq komunist/ PD kërkon hetim: Të merren masa

24 Janar 2024, 14:47, Politikë CNA
Sokol Sadushi, me shallin e kuq komunist/ PD kërkon hetim: Të merren
Flamur Noka

Deputeti i Partisë Demokratike, Flamur Noka, pas mbledhjes së grupit të PD-së, u shpreh se kryetari i Gjykatës së Lartë, Sokol Sadushi, me shallin e pionierit të Enverit, është thjesht vegël e partisë dhe regjimit. 

"Me shallin e pionierit të Enverit, kryetari i Gjykatës së Lartë, përveç SKAP-it të partisë, këta nuk kanë as turp që të fshihen dhe maskohen, por tashmë dalin ashiqare se janë thjesht vegla të partisë të regjimit. Siç e dimë ka një vendim të KLGJ-së që miraton kodin e etikës të firmosur nga Naureda Llagami si kryetare dhe pika 6/b në kapitullin e dytë citohet në ligjëratë të drejtë; që gjyqtari duhet të shmangë sjelljet që krijojnë përshtypje se është i angazhuar politikisht. Drejtësia e Edi Ramës, në dy raste, por ky është rast flagrant, po e reklamojnë si vlerë të shtuar të tyre, angazhimin politik në bandën e Rilindjes. Kush ka pasur dyshime, tashmë nuk ka. Ky është pushteti, ky është regjimi dhe drejtësia e re është thjeshtë vegël në duart e regjimit", u shpreh Noka. 

Noka kërkon që Këshillit i Lartë i Gjyqësorit të nisë hetimin disiplinor për kreun e Gjykatës së Lartë, pasi është shfaqur me simbole komuniste. 

"Në bazë të Kodit të Etikës, të miratuar nga KLGJ-ja, automatikisht zonja kryetare dhe anëtarët që kanë firmosur këtë, duhet që me iniciativë të hetojnë dhe të marrin masa. Në emër të PD, unë nuk pres që të bëjnë një gjë të tillë sepse të tërë janë trupë politike. Disa vënë shallin dhe disa jo, e shfaqin zell më shumë sesa shalli", u shpreh Noka./CNA 

 





Lajmet e fundit nga