SI BIE SKEMA E QEVERISË PËR TË KONTROLLUAR SPAK-un

25 Janar 2024, 17:18, Politikë CNA

Mazhoranca po synon të bëjë një komision 'Ad Hoc' për të kontrolluar SPAK-un dhe institucionet e pavarura. Një komision që po përgatitet nga një grup pune i PS-së me në krye Eduart Shalsin. (Lexo Ketu)

Shalsi bën Shvejkun/ Nuk do ta hetojmë SPAK-un, por do ta kontrollojmë SPAK-un
25 Janar, 13:23

Më pas ky komision 'Ad Hoc' i drejtuar nga Fatmir Xhafaj dhe një grup 99-çash të Rilindjes po tentojnë të thërrasin në apel SPAK-un apo të kryejnë veprime, të cilat mund të shkojnë te propozimet ligjore në lidhje me SPAK-un apo aktivitetin e tij.

Zbulohet emri/ Ja kush do ta udhëheqë luftën e mazhorancës kundër SPAK-ut
18 Janar, 14:57

Kjo është dhe ajo që ka alarmuar ndërkombëtarët që po tregojnë një mbështetje të hapur për Dumanin, por dhe vetë kreun e SPAK-ut, i cili e ka thënë përmes rreshtash.

Në fakt me gjithçka që po ndodh, ajo që pritet më shumë nga të gjithë është lufta e SPAK-ut ndaj korrupsionit apo veprimet për të cilat inkurajohet Altin Dumani që në fakt sot ka theksuar dhe diçka tjetër, për 'flirtet' me politikën apo për të shkuar më tej për bashkëpunimet apo 'flirtet' e tyre dhe me krimin.

Dumani flet hapur: Disa prokurorë dhe gjykatës flirtojnë me pushtetin
25 Janar, 11:56

Dumani ndodhet prej një viti në krye të SPAK-ut dhe dikush e sheh me rezultate të shumta, dikush më të pakta, thelbi është: 'A kemi një sistem drejtësie pas reformës që po jep rezultate apo kemi thjesht dhe vetëm në krye të SPAK-ut dhe disa bashkëpunëtorë të tij, njerëz me integritet, të cilët nuk pranojnë të bëhen pis me llumin politik të korrupsionit?'

Sondazhi/ Si e vlerësoni punën e kreut të SPAK, Altin Dumani ?
24 Janar, 17:10

Nga ana tjetër ajo që pritet nga opinioni publik janë rezultatet, jo thjesht dhe vetëm me veprimet e ndodhura deri më tani ku shumica në bankën e të akuzuarve nën hetime janë pjesë e opozitës, përfshirë këtu, Ilir Metën, Fatmir Mediun, Sali Berishën e të tjerë apo ish-zëvendëskryeministrin Arben Ahmetaj, i cili është në arrati dhe dosja iu kopsit një vit pasi kishte lënë detyrën dhe ishte ngopur me dardhat që i hidhte kryeministri Rama.