web counter
LEXO PA REKLAMA!

SHKARKO APP

App Store
Google Play

Kush e kontrollon SPAK-un?!

29 Janar 2024, 12:51, Editorial Elvi FUNDO

Kush e kontrollon SPAK-un?!

Institucioni i dalë nga Reforma në Drejtësi, SPAK-u shihet si një nga shpresat e vetme se mund të ndryshojë diçka në Shqipëri.

Duke pasur një Shqipëri PPP-sh, koncesionesh, me akuza korrupsioni, me taksa të larta dhe një opozitë të përçarë dhe të pashpresë për qytetarët, sytë e njerëzve janë hedhur nga SPAK-u, prokuroria speciale, e cila duhet të luftojë krimin dhe korrupsionin.

Në fakt, prokurorët dhe gjykatësit aty janë gjetur, në Shqipëri, në ato institucione kanë punuar, por për profesionalizmin e tyre pretendohet se janë nga më të mirët, nga njerëzit me më shumë integritet.

Megjithëse brenda strukturës së SPAK-ut, ashtu siç tha edhe kreu i këtij institucioni, Altin Dumani, ka njerëz që flirtojnë me pushtetin, apo më keq akoma, njerëz që flirtojnë me krimin dhe raste të tilla ka plot.

Kush e kontrollon SPAK-un?!

Pyll pa derra nuk ka, por gjithçka shkon përtej asaj shprese që kanë shqiptarët apo te politika, e cila kërkon që SPAK-un ta ketë në kontroll.

Përpjekjet e fundit të mazhorancës janë me grupe hetimore “Ad-Hoc”, duke përdorur manuale për t’u “mbrojtur” nga SPAK-u në drejtori të ndryshme apo ministri që përgatiten nga Engjëll Agaçi, duke pritur të dalë formula e një komisioni “Ad-Hoc” e shkruar nga Klotilda Bushka, duke pritur të ndryshohet ministri i Drejtësisë me propozimin e Erion Veliajt dhe Fatmir Xhafajt për të vendosur Alfred Ballën.

Ka një shqetësim te shumica, megjithëse SPAK-u sulmohet edhe nga opozita, ata të cilët pretendojnë se e kanë bërë vetë SPAK-un për të mirën e mëmëdheut, duan ta kontrollojnë për interesat e tyre.

Teza më e rëndomtë që përdoret nga 99-çat e Rilindjes dhe “vullnetarët” e Enverit në pushtet është një: “Kush e kontrollon SPAK-un?”.

Shqetësimi i tyre, i artikuluar nga Lindita Nikolla në mbledhjen e Shëngjinit, është se dikush duhet ta kontrollojë.

Në fakt, SPAK-u është një institucion i shumëkontrolluar dhe këtë e shohim qartë të gjithë përditë. Meqenëse Lindita Nikolla, 99-çat dhe “vullnetarët” e Enverit kanë këtë dëshirë për të kontrolluar SPAK-un, kanë një drejtori monitorimi në Kuvend dhe nga ana tjetër, SPAK-u raporton te Komisioni i Ligjeve një herë në vit në një raport të plotë që bëhet nga kreu i këtij institucioni.

Këto ndoshta nuk i mjaftojnë parlamentit, po kush e kontrollon SPAK-un?

Një hallkë tjetër e SPAK-ut janë vetë gjykatat, së pari me ndryshimet e ligjit dhe kodin  penal, me ndryshimet kushtetuese për krijimin e SPAK-ut, me procedurat e SPAK-ut nuk vepron dot i vetëm pa u udhëhequr hetimi nga gjykata.

Hetimet që kryen SPAK-u kanë procedura, kanë hapa ligjorë të mirëcaktuar, vendimet e gjykata janë kontrolli më i plotë.

Që SPAK-u të vendosë në përgjim i duhet një vendim gjykate dhe një vendim gjykate mund të kalojë në disa shkallë. Pra, jo në një hallkë kontrolli, por shkon në 3 hallka kontrolli, Fakti, Apeli, Gjykata e Lartë.

Kush e kontrollon SPAK-un?!

Për sekuestrot apo çdo veprim tjetër duhet të kalojnë disa vendime gjykatash, për arrestimet, për masa do të kalojnë disa vendime gjykatash.

Puna e SPAK-ut nuk shihet thjesht dhe vetëm sipas syrit politik apo dylbisë që do të përdorë mazhoranca, apo kontrolleve të jashtëligjshme që kërkon të bëjë për të marrë informacion se ç’punë bën SPAK-u apo si ecin hetimet.

SPAK-u ka disa institucione të tjera nga pas, siç është ILD-ja që inspekton, KLP-ja që vendos për shkeljet e prokurorëve. Janë shumë hallka, të cilat na tregojnë se SPAK-u kontrollohet dhe vlerësohet. Rezultatet janë të qarta, vendimet që japin gjykatat, hetimet që kryen SPAK-u, sipas rekomandimeve që jep dhe gjykata, janë rezultate, pa folur për institucionet e tjera shtetërore siç përmendëm më lart Kuvendin, ILD-në apo KLP-në.

J

Ja cili është kontrolli i SPAK-ut. Edhe kur do të shpëtojë dikë, është gjykata që flet. Pra, SPAK-u ka nga se kontrollohet, jo vetë gjykata, por edhe vetë Kuvendi, ILD. KLP.

Pretendimet se SPAK-u nuk kontrollohet dhe duhet një komision apo një mekanizëm dhe instrument, janë thjesht dhe vetëm një shpikje e 99-çave dhe “vullnetarëve” të Enverit për t’i vënë SPAK-ut hallkën në fyt./ CNA





17:09 Editorial

ËSHTË KOHA E SPAK

Tani nga SPAK-u pritet vërtet më shumë. Ndërkombëtarët...

Lajmet e fundit nga