web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Detajet e takimit të Ramës me grupin e juristëve të PS-së

28 Janar 2024, 18:43, Politikë CNA
Ekskluzive/ Detajet e takimit të Ramës me grupin e juristëve
Fotomontazh - Enver Hoxha, Fatmir Xhafaj, Ermonela Felaj, Toni Gogu, Klotilda Bushka, Plarent Ndreca

Mazhoranca socialiste po përgatit një skemë për të goditur SPAK-un ose të paktën për të ushtruar presion ndaj tij.

Dalja e informacioneve ka shqetësuar jo pak kryeministrin Edi Rama. Ai ka detyruar Eduart Shalsin që ta mohojë publikisht, apo në 3 dalje të ndryshme të flasë 3 gjëra të ndryshme.

Herën e parë Shalsi tha se mund të kishte kontroll ndaj SPAK-ut dhe një komision, më pas e mohoi dhe duket se ka një çoroditje brenda mazhorancës.

Grupi i “vullnetarëve” të Enverit dhe 99-çat e Rilindjes po bëhen gati për të goditur SPAK-un. Ata kanë avancuar në kërkesat e tyre dhe me veprimet që kanë bërë.

CNA raportoi dje se dy ditë më parë, ditën e enjte, kryeministri Rama kishte zhvilluar një takim me grupin e juristëve të mazhorancës, ku shkëlqejnë 99-çat e Rilindjes dhe vullnetarët e Enverit.

Ekskluzive/ Detajet e takimit të Ramës me grupin e juristëve
Kryeministri Edi Rama

Takimi është zhvilluar jashtë kryeministrisë. Të pranishëm ishin Engjëll Agaçi, ministri i Drejtësisë Ulsi Manja, Klotilda Bushka, Ermonela Felaj, ish-ministrja e Drejtësisë, Etilda Gjonaj, ish-ministri i Brendshëm, Fatmir Xhafaj, ish-zv.ministri i Drejtësisë Toni Gogu dhe ministrja e Anti-Korrupsionit, Adea Pirdeni.

Ashtu siç është raportuar nga CNA, fillimisht kryeministri Rama pas dy qëndrimeve të tij, një me drejtorat e Agjencive dhe të dytin me ministrat ka urdhëruar Engjëll Agaçin që të bëjë një draft, i cili do të jetë një shpjegues se si duhet të veprojnë institucionet publike në rastet e vajtjes së SPAK-ut dhe të kontrolleve që kërkon ky institucion, po përveç Agaçit ka pasur edhe një tjetër person të autorizuar.

Ekskluzive/ Detajet e takimit të Ramës me grupin e juristëve
Engjëll Agaçi dhe Edi Rama

Pas Shalsit si kreu i grupit të punës brenda Grupit Parlamentar, mësohet se Edi Rama ka autorizuar Klotilda Bushkën që të ulet të përgatisë draftin ligjor për komisionin “Ad-Hoc”.

Mazhoranca duket paksa e tërbuar pasi veprimet e fundit, hetimet që po bën SPAK-u e kanë shqetësuar jo pak dhe tani po kalon në veprime që duken gati ekstreme.

Kontrolli i SPAK-ut duket të jetë një akt i çmendur i shumicës në pushtet, që është sulmuar fort nga ndërkombëtarët.

Nga ana tjetër dhe vetë mazhoranca përpiqet të luajë nën rogoz dhe ende nuk ka një version final apo një qëndrim përfundimtar nga kryeministri se deri ku do të shkohet me tentativën për të krijuar një komision “Ad-Hoc”, për të kontrolluar SPAK-un gjoja në emër të një transparene të institucioneve të pavarura, në kuadër të integrimit të Shqipërisë në BE./ CNA





Lajmet e fundit nga